InfoHub Logo

...Burynǵy otyrǵan astyna ketip, onyń ornyna ekinshi taq ústine shyqqandyǵyn – jandyda balyq biledi, jansyzda Samarqannyń kók tasy biledi. Balyq biletuǵyndyǵyn sonan baıqaǵan: Naýryzdama toı qylatuǵyn jurttyń patshalary tiri balyqty kóp qylyp ustatyp alyp, bir kersen sýǵa salyp, kóptiń alqasyna qoıdyrady. Otyrǵan kóp áleýmet sol balyqtarǵa kózderin tigip qarap otyrady. Bir mezgilde balyq bitken biri qalmaı tep-tegis shalqasynan jata qalady. Qaryndary jarqyrap, lezde balyqtar aýnaǵan jaǵynan, ekinshi jaǵyna karaı aýnap túsedi. Sonan soń patshalar baraban soqtyrady: «Eski jyl shyqty, jańa jyl keldi!» – dep. Segiz kún udaıymen qol astyna qaraǵan jurtqa toı, tamasha beredi: «Jańa jyl toıy!» – dep.

Jıyrma toǵyz jasymda Buharaı-SHárıfte Ǵabdalahyd hannyń naýryzdama toıynyń segiz kún ishinde boldym. Udaıymen júremite úsh kisini jyqqanǵa bir shapan báıge, dál segizinshi kún: «Mazar Sharıf» – desedi. Qoja Bahaýaldın áýlıeniń qasyndaǵy haýyzǵa qant tógip, sýdy qant tatytyp, jurt jabyla iship, «toı tarqar» bolady.

...«Orysqa qaramaı turǵan kúninde qazaqtyń naýryzdamasynda bolǵan toı, mereke qyzyǵy Buhar men Qoqanda da bolmaǵan!» – desip sóıleıdi. Qaıda ataqty asqan baı bar bolsa, naýryzdamany sol baıǵa qyldyrady eken. Úısin Tóle bılerdiń zamanynda naýryzdamanyń qadyr-quny astan, toıdan ilgeri bolady eken.

---