Nepaldaǵy joıqyn sý tasqynynan qaza tapqandar sany 157-ge jetti, taǵy úsh adam Qytaıdyń Tıbet aımaǵynda qaza tapty, dep habarlaıdy infohub.kz.
Apat 26 tamyzda Nepal men Qytaı shekarasyna jaqyn ornalasqan Rasýva taýly aýdanynda boldy. Sý, laı jáne tas aǵyndary turǵyn úılerdi, joldardy, kópirlerdi, avtokólikterdi jáne gıdroenergetıka nysandaryn shaıyp ketti. Jarıalanǵan beınejazbalarda shekara beketindegi adamdardyń aǵynmen aǵyp ketkeni kórinedi.
Nepal Týrızm mınıstrliginiń sońǵy derekteri boıynsha, 400-den astam týrıs habar-osharsyz ketken, onyń ishinde 340-qa jýyǵy shetel azamattary. Nepal týrızm keńesiniń ókili Sýnıl Sharmanyń aıtýynsha, habar-osharsyz ketkenderdiń arasynda: qajylyq jasap júrgen Úndistannyń 133 azamaty, AQSH-tyń 47 azamaty, Avstralıanyń 34 azamaty, Ulybrıtanıanyń 33 azamaty jáne Kanadanyń 24 azamaty bar. Sondaı-aq Germanıa, Ispanıa, Nıderland, Malaızıa, Ońtústik Afrıka jáne basqa elderdiń týrıseri izdestirilýde. Ońtústik Koreıa gıdroelektrostansıa qurylysynda jumys istegen segiz azamatynyń habar-osharsyz ketkenin habarlady.
Tıbet aýmaǵynda keminde úsh adam qaza tapty, taǵy 265 adam habar-osharsyz ketti. Gırong shekara beketine kóshkin júrip, joldar, baılanys jáne elektr jelileri zaqymdandy.
Boljam boıynsha, sý tasqyny muzdyqtyń bir bóligi qulaǵannan keıin boldy, ol tastarmen jáne topyraqpen birge ańǵarǵa qulap, qýatty sý men laı aǵynyn týdyrdy. Sarapshylardyń dereginshe, muzdyq shamamen 5,2 myń metr bıiktikte bólinip, 1,2 myń metr tómen qulaǵan. Aǵyn Lhende-Khola, Bhote-Koshı jáne Trıshýlı ózenderimen ótti. Bir ýchaskede sý deńgeıi jarty saǵat ishinde toǵyz metrge kóterildi. Apattan sál buryn bul aımaqta magnıtýdasy 4,4 jer silkinisi boldy, ol muzdyqtyń qulaýyna sebep bolýy múmkin, biraq bul nusqa ázirge rastalǵan joq.
Qutqarýshylar habar-osharsyz ketkenderdi izdeýdi jalǵastyrýda, alaıda jumysty qıraǵan joldar, laı jáne sý deńgeıiniń joǵary bolýy qıyndatyp otyr. Tikushaqtar ázirge keıbir zardap shekken aýdandarǵa qona almaıdy.
Buǵan deıin Qazaqstan Syrtqy ister mınıstrligi zardap shekkender men habar-osharsyz ketkender arasynda qazaqstandyqtar joq ekenin málimdegen bolatyn. SİM resmı ókili Janbolat Úsenov jaǵdaı mınıstrliktiń baqylaýynda ekenin atap ótti.