«Úlken dýlyǵa» týrnırleriniń tórt dúrkin jeńimpazy Naomı Osaka (álemdegi 13-shi raketka) Elena Rybakınanyń (WTA reıtıńinde 2-shi oryn) jáne Arına Sobolenkonyń (1-shi oryn) oıyn stılin salystyrdy. Japonıalyq tenısshiniń aıtýynsha, eki qarsylastyń da soqqylary óte kúshti, alaıda olar qarsylastaryna ártúrli tásilmen qysym jasaıdy... dep habarlaıdy infohub.kz.
«Bul qyzyq. Meniń oıymsha, oıynshylardy soqqy kúshine qaraı bólýge bolady. Mysaly, ol (Rybakına – red.) óte jyldam soǵady, al Sobolenko – óte aýyr. Ekeýi de óte kúshti, biraq ártúrli. Árıne, ekeýi de óte jaqsy», – dep Punto de Break-ke silteme jasaıdy.
Japonıalyq tenısshi Rybakınanyń podachasyn erekshe atap ótti. Onyń aıtýynsha, Torontodaǵy qazaqstandyqpen ótken aldyńǵy kezdesýden keıin ol birinshi dopty qabyldaýda barynsha belsendi bolýǵa tyrysqan, sebebi Rybakına kelesi soqqymen ınısıatıvany tez qolǵa alady.
«Búgin men nashar qabyldadym dep oılamaımyn. Ol podachalardy óte jaqsy ornalastyrdy. Torontodan bastap men onyń birinshi podachasyna kóbirek shabýyl jasaýǵa tyrystym, óıtkeni onyń stılinde ol sizdiń qabyldaýyńyzdy birden korttyń basqa bóligine jiberedi. Men ınısıatıvany óz qolyma alýǵa tyrystym, biraq ol álemdegi eń úzdik podachashylardyń biri ekeni anyq», – dedi Osaka US Open-2026 1/8 fınalynda Rybakınadan jeńilgennen keıin.
Qazir Rybakına men Sobolenko WTA reıtıńiniń alǵashqy eki satysyn ıelenip otyr. Belarýs tenısshisi álemdegi birinshi raketka bolyp qala beredi, al qazaqstandyq ekinshi orynda keledi. Alaıda US Open qorytyndysy boıynsha jaǵdaı ózgerýi múmkin: Rybakınaǵa jartylaı fınalǵa shyǵý jetkilikti, sonda ol Sobolenkonyń nátıjesine qaramastan, mansabynda alǵash ret álemdik reıtıńti bastaıdy.
Ol úshin qazaqstandyq tenısshi shırek fınalda Chjen Sınvendi (121-shi oryn) jeńýi qajet. Rybakına bul kezeńge qarsylastaryna birde-bir set bermeı jetti.
Sobolenko da Nú-Iorktegi tıtýl úshin kúresin jalǵastyrýda. Shırek fınalda álemdegi qazirgi birinshi raketka Ýımbldon-2026 chempıony Lında Noskovamen (6-shi oryn) kezdesedi.