Óskemen turǵyny joldyń ústine ústel men oryndyq qoıyp, kólikter júrip jatqanda beıne túsirgen. Laık qýǵan bul áreket zań aldynda jaýapkershilikke ákep soqty, dep habarlaıdy infohub.kz saıty.
NUR.KZ-tiń Polisia.kz-ke silteme jasap habarlaýynsha, 22 jastaǵy Óskemen turǵyny áleýmettik jelilerde jolda túsirilgen qaýipti beıne paıda bolǵan soń jaýapkershilikke tartyldy.
«Áleýmettik jelilerde blogerlerdiń joldyń ústine ústel men oryndyq qoıyp, kólikter júrip jatqanda beıne túsirgeni týraly vıdeo tarady», — delingen habarlamada.
«QR İİM jańalyqtary» Telegram-arnasynda 22 jastaǵy qala turǵyny qoldanystaǵy zańnamaǵa sáıkes jaýapkershilikke tartylǵany naqtylandy.
«Polısıa eskertedi: áserli kadrlar úshin jolda qaýip tóndiretin áreketterge barmańyzdar. Jolǵa bógde zattar qoıý kólik qozǵalysyna kedergi keltirip, jol qozǵalysyna qatysýshylardyń ómiri men densaýlyǵyna qaýip tóndirýi múmkin», — dep qosty İshki ister mınıstrligi.
Buǵan deıin Shyǵys Qazaqstan oblysynyń turǵyny jarnama túsirý úshin jolda qaýipti trúk jasap, jaýapkershilikke tartylǵany habarlanǵan bolatyn.