Óskemendegi kafelerdiń birinde 4 qazanǵa qaraǵan túni janjal bolyp, onyń qurbany 40 jastaǵy polısıa qyzmetkeri boldy, dep habarlaıdy infohub.kz saıty.
Qaıǵyly oqıǵa ornynan túsirilgen kadrlardy Nalyqstan Telegram-arnasy jarıalady. Onyń málimetinshe, er adam qyzmetten tys ýaqytta osy mekemede bolǵan. Ol ózin durys ustamaǵan kelýshige eskertý jasaǵan. Oǵan jaýap retinde ol kóshede qýyp jetip, betinen tepken.
Alǵan jaraqattarynan er adam kóz jumdy.
Oqıǵa týraly alǵashynda jergilikti pablıkter habarlady. Sonymen qatar Óskemen turǵyndary 4 qazanda qalada polısıanyń kólikterdi tekserýine nazar aýdardy. Kólikter, onyń ishinde Úlbi kópirinde toqtatylyp, júrgizýshilerdiń qujattary tekserildi. Áleýmettik jelilerde quqyq qorǵaý organdary janjalǵa qatysýshyny izdeýi múmkin degen boljam aıtyldy.
Keıin Shyǵys Qazaqstan oblysynyń Polısıa departamenti óz qyzmetkeriniń qaza tapqanyn rastap, kúdiktiniń ustalǵanyn málimdedi.
«Bolǵan oqıǵa boıynsha qylmystyq is qozǵaldy. Kúdikti ustalyp, ýaqytsha ustaý ızolátoryna qamaldy», — dedi polısıada.
Vedomstvo tergeý jalǵasyp jatqanyn, sondyqtan tergeý múddesi úshin ózge málimetter jarıalanbaıtynyn naqtylady.
Buǵan deıin «Kýrsıv» Almaty oblysynyń taýlarynda kúıip ketken denesi tabylǵan 37 jastaǵy aǵa jedel ýákil Aslan Alserovtiń óltirilýi týraly jazǵan bolatyn. İs boıynsha birneshe adam, onyń ishinde qaza tapqan polıseıdiń áıeli men uly ustaldy.