Óte ystyq sýsyndardy ishý óńeshtiń jalpaq jasýshaly obyry qaýpin úsh eseden astam arttyrady. Bul tujyrymǵa Ulybrıtanıadaǵy mıllıonǵa jýyq adam qatysqan aýqymdy zertteý qorytyndysy boıynsha ǵalymdar keldi, dep habarlaıdy infohub.kz saıty.
Jumys «International Journal of Cancer» jýrnalynda jarıalandy. Mamandar «Million Women Study» zertteýi men Brıtandyq bıobankiniń («United Kingdom Biobank») derekterin biriktirip, 977 282 qatysýshynyń kórsetkishterin 11–14 jyl boıy baqylady. Osy kezeńde 1045 adamda óńeshtiń jalpaq jasýshaly obyry, taǵy 1303 adamda óńesh adenokarsınomasy anyqtaldy.
Taldaý nátıjesine sáıkes, shaı nemese kofeni «óte ystyq» kúıinde ishýdi unatatyndar «jyly» sýsyndardy tańdaǵandarmen salystyrǵanda óńeshtiń jalpaq jasýshaly obyry qaýpine úsh eseden astam jıi tap bolǵan. Alaıda sýsyndardyń temperatýrasy adenokarsınoma damýyna aıtarlyqtaı áser etpegen.
Sonymen qatar kúnine alty jáne odan da kóp shyny ystyq sýsyn ishý olardyń temperatýrasyna qaramastan óńeshtiń jalpaq jasýshaly obyry qaýpin 71%-ǵa arttyratyny anyqtaldy. Shaıǵa nemese kofege sút qosý anyqtalǵan táýeldilikti ózgertpedi.
Jumys avtorlary ystyq suıyqtyq óńeshtiń joǵarǵy bóligindegi jalpaq epıtelıdi termıalyq zaqymdaýy múmkin ekenin atap ótedi. Modeldeýge sáıkes, eger anyqtalǵan baılanys sebep-saldarlyq bolsa, sýsyndardyń temperatýrasyn «óte ystyqtan» «ystyqqa» deıin tómendetýdiń ózi Ulybrıtanıada jyl saıyn óńeshtiń jalpaq jasýshaly obyrymen aýyratyn shamamen 440 jaǵdaıdyń aldyn alýǵa múmkindik beredi.