Álemniń úshinshi raketkasy, amerıkalyq Djessıka Pegýla qazaqstandyq tenısshi Elena Rybakınanyń (1) 2026 jylǵy AQSh ashyq chempıonatyndaǵy jeńisinen keıingi maýsymyna keńinen toqtaldy. Pegýlanyń pikirinshe, Rybakına álemniń birinshi raketkasy mártebesine tolyq laıyq, dep habarlaıdy infohub.kz saıty.
Amerıkalyq tenısshi Rybakınanyń US Open-ǵa qatysýynyń belgisizdigi oǵan psıhologıalyq turǵydan kómektesýi múmkin dep boljady.
«Ol tamasha jyl ótkizdi. Osy týrnırge qatysamyn ba, joq pa, ózi de bilmegeni, qaısybir maǵynada, oǵan jeńildik ákelgen sıaqty. Keminde, ol jeńisten keıin osylaı aıtty», – dedi Pegýla The Players’s Box podkastynda.
Týrnır aldynda Rybakınanyń qatysýy jaraqatqa baılanysty shynymen kúmán týdyrǵan. Ol Sınsınnatıdegi shırek fınaldy merziminen buryn aıaqtap, keıin jeti kún kortqa shyqpady. Nú-Iorkte qazaqstandyq qosymsha tekserýden ótip, US Open bastalýyna birneshe kún qalǵanda ǵana tolyqqandy jattyǵýǵa oraldy.
Pegýla Rybakınanyń Áıelder tenıs qaýymdastyǵy (WTA) reıtıńindegi birinshi ornyn bólek atap ótti. Ol US Open shırek fınalynda Chjen Sınvendi jeńgen soń reıtıń kestesinde kóshbasshylyqty qamtamasyz etti. Qazaqstandyq tenısshi mansabynda alǵash ret álemdik reıtıńti basqaryp, Arına Sobolenkonyń 99 aptalyq ústemdigin toqtatty.
«Ol álemdegi birinshi oryndy qamtamasyz etti. Onyń jyly tamasha boldy. Menińshe, ol álemniń birinshi raketkasy bolýǵa tolyq laıyq. Ol sonshalyqty jaqsy oınaıdy. Týrdaǵy eń úzdik podacha jasaýshy. Torda da óte jaqsy», – dep atap ótti amerıkalyq.
Pegýla sondaı-aq ádette ustamdy Rybakınanyń mach kezinde jáne jeńisten keıin emosıasyn ashyq bildire bastaǵanyna nazar aýdardy.
«Maǵan ol kóbirek emosıa kórsete bastaǵandaı kórindi. Jeńisten keıin ol baqytty bolyp kórindi. Ol jeńgenine ózi shyn júrekten tańyrqaǵandaı áser qaldyrdy. «Ýaý, men sonshalyqty baqyttymyn, osy eki aptada ne bolǵanyna sene almaımyn» degen sıaqty. Maǵan bul óte súıkimdi bolyp kórindi», – dedi Pegýla.
Eske salaıyq, US Open-2026 fınalynda Rybakına Sobolenkony 6:4, 5:7, 6:2 esebimen jeńdi. Bul tıtýl 27 jastaǵy sportshy úshin US Open-daǵy alǵashqy, al Ýımbldon-2022 men Australian Open-2026-dan keıingi «Úlken dýlyǵa» týrnırlerindegi úshinshi jeńisi boldy.