Túrkistan oblysynda prokýrorlyq tekserý barysynda medısınalyq qarsy kórsetilimderine qaramastan avtomobıl júrgizýdi jalǵastyrǵan 89 adam anyqtaldy. Olardyń barlyǵy psıhıatr men narkologtyń esebinde turǵan, bul olardyń kólik júrgizýine tyıym salady, dep habarlaıdy infohub.kz saıty.
Bas prokýratýranyń baspasóz qyzmetiniń habarlaýynsha, bul júrgizýshilerde jaramdy júrgizýshi kýálikteri bolǵan, alaıda zań boıynsha olar psıhıkalyq jáne minez-qulyq buzylýlary, sondaı-aq psıhoaktıvti zattardy tutynýǵa baılanysty buzylýlary sebepti kólik quraldaryn basqarýǵa quqyly bolmaǵan.
«Zańnamaǵa sáıkes, psıhıkalyq jáne minez-qulyq buzylýlary, sondaı-aq psıhoaktıvti zattardy tutynýǵa baılanysty buzylýlary bar adamdar, medısınalyq qarsy kórsetilimder bolǵan jaǵdaıda, kólik quraldaryn basqarýǵa quqyly emes», — dep naqtylady qadaǵalaý organynan.
Prokýratýra aralasqannan keıin sottar 89 azamattyń barlyǵynyń kólik quraldaryn basqarý quqyǵyn toqtatty. Sonymen qatar, tekserý qorytyndysy boıynsha kináli laýazymdy tulǵalar jazalandy.
Buǵan deıin Pavlodar oblysynda mas kúıinde kólik júrgizgeni úshin qamaýǵa alynbaý maqsatynda para berip, júkti bolyp kóringen áıel týraly habarlanǵan bolatyn.