Qazaqstandyq tenısshi Iýlıa Pýtınseva (álemdik reıtıńte 84-oryn) AQSh ashyq birinshiliginiń úshinshi aınalymyna óte almady. Ekinshi raýndta ol 2024 jylǵy Olımpıada chempıony, qytaılyq Chjen Sınvenge (121-oryn) úsh sette ese jiberdi – 4:6, 6:2, 1:6. Mach 2 saǵat 37 mınýtqa sozyldy, dep habarlaıdy infohub.kz.
Birinshi partıany Pýtınseva 4:6 esebimen uttyrsa, ekinshi sette oıyn barysyn ózgerte aldy. Qazaqstandyq tenısshi bul kezeńde aıtarlyqtaı senimdi oınap, teńdik ornatty – 6:2.
Sheshýshi partıada basymdyq Chjenge ótti. Qytaılyq qarsylasyna bir ǵana geım berip, machty 6:1 esebimen aıaqtady.
Kezdesý barysynda Pýtınseva úsh eıs jasap, tórt qosarlanǵan qatelik jiberdi. Chjen belsendi upaılar boıynsha qarsylasynan aıtarlyqtaı basym boldy – 31-ge qarsy 12, alaıda 52 májbúrli emes qatelik jiberdi, Pýtınsevada 33 boldy. Qytaılyq toǵyz eıs jasap, segiz breık-poınttyń beseýin paıdalandy. Qazaqstandyq qarsylasynyń podachasyn alýdyń toǵyz múmkindiginiń tórteýin iske asyrdy.
Tańerteń Elena Rybakına úshinshi aınalymǵa shyǵý úshin ıspanıalyq Djessıka Býsas Maneıromen kezdesedi. Týrnırdiń basynda Qazaqstannyń birinshi raketkasy 17 jastaǵy amerıkandyq Teıa Frodındi senimdi túrde jeńgen edi.
Erler jarysynda Aleksandr Býblık kúresin jalǵastyrýda. Ekinshi aınalymda ol fransýz Adrıan Mannarınony jeńdi. Aleksandr Shevchenko bes sette Dıno Prıjmıchten jeńilip, týrnırdi aıaqtady.
AQSh ashyq tenıs birinshiligi – hardta ótetin jyl saıynǵy «Úlken dýlyǵa» týrnıri. Kúntizbedegi tórt meıdjordyń sońǵysy.
Alǵash ret 1881 jyldyń tamyzynda ótken US Open, mıkst týrnıriniń keıinge shegerilýine baılanysty qatarynan ekinshi jyl bir apta erte bastalady. Jalpy júlde qory – $108 mln – meıdjorlar úshin rekordtyq.
1978 jyldan beri machtar Nú-Iorktegi Bıllı Djın Kıng atyndaǵy Ulttyq tenıs ortalyǵynda ótedi.
Erler arasyndaǵy qazirgi chempıon – ıspanıalyq Karlos Alkaras (álemdik reıtıńte 3-oryn), ótken jylǵy fınalda Iannık Sınnerdi 6:2, 3:6, 6:1, 6:4 esebimen jeńgen. Aıtpaqshy, ıtalıalyq, álemdik reıtıńtiń birinshi nómiri, tize jaraqatyna baılanysty US Open-2026-dan bas tartty.
Áıelder arasynda 2025 jylǵy jeńimpaz – belarýs Arına Sobolenko. Sheshýshi machta ol AQSH-tan kelgen Amanda Anısımovany 6:3, 7:6 (7:3) esebimen utty.