Qaraǵandynyń sanıtarlyq-epıdemıologıalyq baqylaý basqarmasy áleýmettik jelilerde taraǵan akademık E. A. Bóketov atyndaǵy Qaraǵandy ulttyq zertteý ýnıversıtetinde týberkýlózdiń keń kólemde órshýi týraly aqparatty resmı túrde joqqa shyǵardy. Sanıtarlyq dárigerlerdiń dereginshe, qazirgi tańda oqý ornynyń úsh stýdentinen aýrý anyqtalǵan, dep habarlaıdy infohub.kz saıty.
«Qazirgi tańda tirkelgen týberkýlóz jaǵdaılary boıynsha epıdemıologıalyq tergeý júrgizilýde. Infeksıa oshaǵynda oshaqty oqshaýlaýǵa jáne ınfeksıanyń odan ári taralýyna jol bermeýge baǵyttalǵan qajetti sanıtarlyq-gıgıenalyq, emdeý-profılaktıkalyq jáne epıdemıaǵa qarsy sharalar kesheni uıymdastyrylyp, júrgizilýde», — delingen vedomstvo habarlamasynda.
Sonymen qatar sanıtarlyq-epıdemıologıalyq baqylaý basqarmasynda Qazybek bı aýdanynyń sanıtarlyq-epıdemıologıalyq baqylaý basqarmasy karantın engizý týraly qaýly shyǵarmaǵanyn atap ótti. Sanepıdemıologtar qazaqstandyqtardy jalǵan aqparat taratpaýǵa shaqyrdy.
Basqarmanyń baspasóz qyzmeti habarlaǵandaı, epıdemıologıalyq tergeý 30 kúnge sozylady, sodan keıin mamandar bolǵan jaǵdaı týraly tolyq aqparat bere alady.
Keıbir derekterge qaraǵanda, aýyrǵan stýdentter oqýda da, turmysta da bir-birimen eshqandaı baılanyspaǵan. Olar túrli fakúltette oqıdy, túrli korpýstarǵa barady jáne bir jataqhanada turmaıdy. Sondyqtan ınfeksıa kampýs qabyrǵasynda jappaı taralyp jatyr deýge negiz joq. Eki naýqas — jergilikti turǵyn, al úshinshisi Batys Qazaqstan oblysynan oqýǵa kelgeni belgili.
Buǵan deıin «Kýrsıv» Qazaqstanda aǵymdaǵy jyldyń alty aıynda týberkýlózdiń 2 919 jaǵdaıy tirkelgenin, bul bir jyl burynǵydan 11%-ǵa az ekenin jazǵan bolatyn.