InfoHub Logo

Kúngeıbaı degen sheshen sóz tapqysh adam bolǵan eken. Ol sharıǵatqa qatańdyǵymen aty shyqqan bir moldamen bir toıda dastarhandas bolypty. Sóz kezeginde Kúnekeń:

— Moldeke, kúnáǵa úsh ret táýbe qylyp, úsh ret qaıtalasa, qaıter edi? — dep sóz tartypty. Molda julyp alǵandaı:

— Kúngeıbaı basyńmen sony da bilmeımisiń, kápir boldy! — depti. Kúnekeń beti qaıtyp qalǵan adam keıiptenip únsiz qalypty.

Bir kezde tabaq tartylyp, Kúnekeń et kesken eken, áýeli jol boıynda jambastyń maıly basynan moldaǵa bir asatyp jiberip, sózin qaıta jalǵap:

— Allaǵa jalynyp-jalbarynyp endi qaıtalamasqa qasam iship kórsem, qaıter edi? — depti. Molda:

— Allanyń meıirimi keń. Shyn tilek qylsa, keshirim qylýy da múmkin, — dep maıdy jutyp jiberipti. Sonda Kúnkeıbaı:

— Ia, qasıetti qoıdyń maıy, búıte berseń, qara tasty da jibitersiń, — degen eken.

---