Qazaqstan men Italıa keńeıtilgen formatta yntymaqtastyqty talqylady
Memleket basshysy Qasym-Jomart Toqaev resmı saparmen kelgen Italıa Mınıstrler Keńesiniń tóraǵasy Djordja Melonımen keńeıtilgen quramda kelissóz júrgizdi. Kezdesýge qos eldiń resmı delegasıalary qatysty.
Prezıdent Qazaqstan men Italıa arasyndaǵy strategıalyq seriktestikti erekshe atap ótip, ekijaqty qarym-qatynas ózara qurmetke, senimge jáne ortaq múddege negizdelgenin jetkizdi. Onyń aıtýynsha, sońǵy 20 jylda Italıa Qazaqstan ekonomıkasyna 7,6 mıllıard dollar kóleminde ınvestısıa salǵan.
Qasym-Jomart Toqaev elimizde ENI, SDF Group, PetroValves, Maire Tecnimont jáne Ballestra sıaqty iri ıtalıalyq kompanıalardyń tabysty jumys istep jatqanyn atap ótti. Búginde Qazaqstanda jalpy sany 270-ke jýyq ıtalıalyq kásiporyn belsendi qyzmet atqarýda.
Kezdesý barysynda saýda-ekonomıkalyq baılanystardy tereńdetý, ınvestısıalyq yntymaqtastyqty arttyrý jáne ónerkásip, energetıka, ekologıa, agroónerkásip sektory men sıfrlyq transformasıa salalaryndaǵy áriptestikti keńeıtý máseleleri sóz boldy.
You Might Also Like
-
Qyzylorda oblysynda «Tań–Qumkól» baǵyty boıynsha ushyp shyqqan AN-2 ushaǵy májbúrli túrde qonýǵa májbúr bolyp, baılanys úzilgen edi. Ushaq bortynda 3 adam bolǵan.
-
"Sherzattyń ólimin moınyma ala salaıyn dedim":Sotta basty aıyptalýshy Abzal Shynasyl málimdeme jasady
