InfoHub Logo

Qazaqstanda dári-dármek baǵasy 30 paıyzǵa deıin tómendeýi múmkin. Bul týraly Densaýlyq saqtaý vıse-mınıstri Erjan Nurlybaev Ortalyq komýnıkasıalar qyzmetinde ótken brıfıńte málimdedi.

Onyń aıtýynsha, mınıstrlik dári-dármek baǵasyn qalyptastyrý modeline ózgeris engizip, shekti baǵalarǵa qosylatyn birqatar ústeme tólemderdi — sonyń ishinde marketıń, kólik jáne keden shyǵyndaryn — alyp tastaǵan.

«Qazirgi ýaqytta jańa modeldi synaqtan ótkizý úshin farmasevtıkalyq qaýymdastyqpen tyǵyz jumys júrgizilip jatyr. MÁMS aıasynda dáriler quny shamamen 19%-ǵa, al kóterme jáne bólshek saýdada 30%-ǵa deıin tómendeıdi dep kútip otyrmyz», – dedi vıse-mınıstr.

Bul ózgerister halyqtyń dári-dármekke qoljetimdiligin arttyryp, farmasevtıkalyq naryqty retteýge baǵyttalǵan.