Qazaqstannyń ekinshi raketkasy Aleksandr Shevchenko AQSh ashyq chempıonatyndaǵy (US Open 2026) alǵashqy oıynyn jeńilispen bastady, dep habarlaıdy infohub.kz saıty.
Álemdik reıtıńte 98-orynda turǵan tenısshi birinshi aınalymda horvatıalyq Dıno Prızmıchpen kezdesti. Ol reıtıńte tórt saty tómen ornalasqan.
Mach maksımaldy bes setke sozyldy. Tórtinshi sette Prızmıch machty aıaqtaý úshin podacha jasady, biraq Shevchenko breık jasap, kúresti jalǵastyrdy. Sheshýshi partıada qazaqstandyq birneshe machboldy paıdalana almady. Sońynda horvat 2:6, 6:3, 6:3, 5:7, 7:5 esebimen jeńiske jetti.
Qarsylastar kortta 3 saǵat 54 mınýt ótkizdi. Osy ýaqyt ishinde Shevchenko 14 eıs jasady, jeti qos qatelik jiberdi jáne 15 breık-poınttyń altaýyn paıdalandy.
Ekinshi raketkanyń jarystan shyǵyp qalýynan keıin Qazaqstan atynan US Open jekeleı synda tek Aleksandr Býblık qaldy. Týrnırde 15-shi nómirli jerebe ıegeri Astana ýaqytymen 31 tamyzǵa qaraǵan túni óz oıynyn bastaıdy.