Úlken bir jıynda Qojanasyrdyń dostary qolyna dombyra tutqyzyp, kúı tartyp berýdi ótinipti. Qojanasyr da qolyna dombyrany alyp, bet aldy sabalaı beripti. Jaǵymsyz dyńǵyr men tyńqyldyń úni jaqpaǵan dostarynyń biri:
— Qojeke, dombyrany osylaı tarta ma eken? Qulaǵyn burap, tıegin jóndep, pernesin basyp tartpaı ma? — depti.
Sonda Qojanasyr:
— Kórip tursyńdar ǵoı, meniń eki qolym birdeı perne sabaýdan bos emes, sondyqtan biriń qulaǵyn burap, ekinshiń tıegin jóndep, úshinshi bireýiń pernesin bassańdar, ózderiń oılaǵan daı kúı tartylmaı ma? — dep dostaryna jaýap qaıtarypty.