Qolóner - zor óner (1)
"Sheberdiń qoly altyn", - deıdi atam qazaq. Sózge de sheber, iske de usta halqymyzdyń zor mádenıeti men ónerin pash etetin qundylyqtarynyń biri - onyń qolóneri. Aǵashtan, temirden túıin túıgen, júnnen kóz jaýyn alatyndaı buıym jasaǵan, asyl tastardan sán buıymdaryn soqqan, súıek pen múıizdi, shıdi qıynynan qıystyrǵan halyq sheberleriniń isi - maqtaýǵa turatyn óner týyndysy.
Qolóner - halyqtyń óz qolymen jasaıtyn, ulttyq mádenıet pen óner týyndysy
Dáýit - paıǵambar, ustalar men sheberlerdiń piri.
Usta - temirden zattar jasaıtyn sheber.
Zerger - asyl tastardan, altyn, kúmisten buıymdar jasaıtyn sheber.
Tiginshi - kıim tigetin sheber.
Etikshi - aıaq kıimder tigetin sheber.
Úıshi - kıiz úı súıekterin jasaıtyn sheber.
Órimshi - qaıystan at ábzelderin jasaıtyn sheber.
Ershi - er shabatyn, sheberler tilimen aıtqanda "er qosatyn" adam.
Aǵash sheberi - aǵashtan zattar jasaıtyn sheber.
Bádizshi - tastan túrli pishinder, zattar jasaıtyn sheber.
Toqymashy - toqyma buıymdaryn jasaıtyn sheber.
Mıasar - ónerdiń birneshe túrin ıgergen sheber.
Ara - aǵash, temir kesetin tisti aspap.
Asqaq temir - bir aıaǵy uzyn, bir aıaǵy qysqa sırkúl tárizdes ólsheýish, ári oıý salatyn qural.
Baqaýyz - temirdi soqqanda ustaıtyn tissiz aspap.
Balǵa - soǵatyn, qaǵatyn aspap.
Burǵy - aǵash tesetin qural.
Biz (bigiz) - etikshi quraly.
Biltegish - toqymashynyń toqý quraly.
Jonǵy - aǵash qabyǵyn jonatyn qural.
Ine - tigin quraly.
Jýaldyz - úlken ıne.
Kózemel ıne - kózi úlken ıne.
Inelik - aǵashtan, súıekten jasalǵan aý toqıtyn qural.
Teben - qalyń buıymdar (tekemet, kıiz) tigetin úlken ári jýan ıne.
Egeý - temir egeıtin qural.
Máımóńke - ushy qısyq ıne. Terme jibin teretin qaıqybas kishkentaı aǵash.
Sydyrǵysh - órimshiniń órimdi tegisteıtin súıekten, qatty aǵashtan jasalǵan quraly.
Sabaý - jún sabaıtyn uzynsha jińishke aǵash.
Soıaý - taldyrma kıizderdi jórmeıtin, tigetin súıekten, aǵashtan jasalǵan ıneniń bir túri.
Súrgi - teriniń kók etin alatyn, aǵashty tegistep óńdeıtin qural.
Keskir - temir kesetin qural.
Kórik - ustanyń shoq úrleıtin quraly.
Kempiraýyz - qyshqashtyń bir túri, usta quraly.
Qyshqash - óńdeletin, jasalatyn zatty tistep turatyn qural.
Qaıraq - quraldardy ótkirleý úshin onyń júzin qaıraıtyn tas.
You Might Also Like
