Qostanaıda mamandandyrylǵan aýdanaralyq ákimshilik sot «Azamattarǵa arnalǵan úkimet» memlekettik korporasıasy» komersıalyq emes aksıonerlik qoǵamyna qatysty áreketterdi daýlaý týraly talap qoıýdy qarady, dep habarlaıdy infohub.kz saıty.
Qostanaı oblysy sottarynyń resmı Telegram-arnasynda habarlanǵandaı, sot jaýapkerdiń «Jyljymaıtyn múlikke quqyqtardy (aýyrtpalyqtardy) memlekettik tirkeý» memlekettik qyzmetin alý úshin qujattardy qabyldaýdan bas tartqanyn anyqtady.
Bas tartýǵa atqarýshylyq is júrgizý nátıjesinde salynǵan aýyrtpalyqtardyń bolýy sebep bolǵan.
Alaıda bul jaǵdaıda «Jyljymaıtyn múlikke quqyqtardy memlekettik tirkeý týraly» Zańnyń 31-babynyń 1-1-tarmaǵynyń 5-tarmaqshasynda kózdelgen norma qoldanylýǵa tıis edi. Atalǵan normaǵa sáıkes, ortaq múliktegi úleske quqyqty tirkeý kezinde memlekettik tirkeýdi nemese ózge de memlekettik tirkeý obektisin boldyrmaıtyn aýyrtpalyqtar bolǵan jaǵdaıda quqyqty tirkeýden bas tartý qoldanylmaıdy.
İsti qaraý barysynda taraptar medıasıa rásimin paıdalanyp, daýdy retteý týraly kelisimge keldi.
Kelisim sharttaryna sáıkes, talap qoıýshy medıatıvtik kelisimdi bekitý týraly sot uıǵarymy zańdy kúshine engen sátten bastap 5 jumys kúni ishinde jyljymaıtyn múlik obektisi ornalasqan jerdegi KEAQ-qa zańnamada kózdelgen qujattardyń tolyq toptamasyn qosa bere otyryp, «Jyljymaıtyn múlikke quqyqtardy (aýyrtpalyqtardy) memlekettik tirkeý» memlekettik qyzmetin kórsetý týraly ótinishpen júginýge mindettenedi.
Óz kezeginde «Azamattarǵa arnalǵan úkimet» MK» KEAQ ótinishti qabyldap, tıisti memlekettik qyzmetti kórsetýge mindettenedi.
Medıatıvtik kelisim sot uıǵarymymen bekitildi.