InfoHub Logo

Bir qumyrsqa arystannyń qol astynda jumys isteıdi. Kúnde tań erteńgisin erte kelip, jumysyn kóterińki kóńil-kúımen bastaıdy. Kóp eńbek etetindikten jumystyń ónimdiligi de óte kóp bolatyn jáne bulardy jaqsy kóńil-kúımen jasaıtyn. Qojaıyny arystan, qumyrsqanyń basynda baqylap turatyn basshysy bolmasa da osylaı ózdiginen, yqylaspen jumys isteıtinine tań qalatyn. Bir kúni jumystyń tabysy men ónimdiligin arttyrý úshin, aınalasyndaǵy kásiporyndarǵa da kóz júgirtip, oıyna jaqsy bir pikir keledi. Bul qumyrsqa qazir óz yntasymen osynshalyqty myqty nátıjeler berýde, eger onyń qabiletti bir bastyǵy bar bolsa, budan da kóp tabys ákelmeı me, dep bir tájirıbeli taraqandy jumysqa alady. Osy arqyly qumyrsqany baqylaıdy. Taraqan jumys ýaqytynda jalqaýlyqqa jol bermeıtin. Árıne endi taraqanǵa baıandamalardy retteıtin hatshy da qajet edi. Sol sebepten telefon jáne arhıv jumystaryna qaraıtyn órmekshini jumysqa alady.

Arystan bul jetistikterge óte qýanyshty edi. Berilgen baıandamalary shynymen de keremet edi. Óndiristiń jyldamdyǵyn jáne tabysqa analız jasaıtyn túrli tústi grafıkterdiń bolýyn da talap etedi. Bular arqyly baıandamalardy dostaryna usynyp kórsete alar edi. Taraqanǵa bul baıandamalardy óńdeý úshin jańa kompúter jáne basqa da qural-jabdyqtar qajet bolady. Osylaısha barǵan saıyn kóbeıgen jumys talaptaryn basqarý úshin bir masany jumysqa alady. Áýelde qýanyshty, eńbekqor qumyrsqa endi bitpeıtin jınalystardan, toltyrýdy qajet etetin qujattardan qashatyn boldy. Ýaqytynyń kóp bóligin suraqtarǵa jaýap berýmen ótkizýde edi.

Arystan bolsa jumysynyń barǵan saıyn úlkeıip jatqanyna qýanady. Odan da úlkeıýi úshin bólim meńgerýshisi retinde shybyndy jumysqa alady. Shybynnyń birinshi qyzmeti ofısty jańa jıhazdarmen jabdyqtaý boldy. Árıne jańa kompúter, búdjetti baqylaý jáne strategıalyq tabys josparynyń daıyndalýy úshin oǵan da kómekshi qajet bolady.

Qumyrsqanyń bólimindegi jaǵdaılarǵa kóz júgirtken arystan, ónimniń jáne tabystyń tómendegenin baıqaıdy. Dereý aty shýly, danyshpan úkini problemany sheshý úshin jumysqa alady. Úki 3 aıdan keıin keremet bir raport daıyndaıdy. Raporttyń qorytyndysy mynadaı edi:

«Bul jumys ornynda jumysshylar shamadan tys kóp.»

Arystan baıandamaǵa qarap shyqqannan keıin bir sheshimge keledi. Birinshi kezekte, jumysqa degen yqylasy qalmaǵan qumyrsqany jumystan shyǵarady.

---