Qytaıdyń eń iri kartop óndirýshisi — Snow Valley toby — Qazaqstanda SnowValley Food Kazakhstan Group Holdings Ltd. holdıńtik kompanıasyn tirkedi. Ol quny $100-200 mln bolatyn kartopty tereń óńdeıtin zaýyt salýdy josparlap otyr, dep habarlaıdy infohub.kz saıty.
Jańa qurylym «Astana» halyqaralyq qarjy ortalyǵynda (AHQO) 30 qyrkúıekte tirkelgenin Finmentor.kz arnasynyń avtory baıqaǵan. Kompanıanyń jarǵylyq kapıtaly $18. Holdıńtik fýnksıalardan bólek, ol kartopty óńdeýmen jáne konservileýmen aınalysýǵa quqyly.
Ekonomıs Arman Bataev óziniń Telegram-arnasynda jańa qazaqstandyq kompanıanyń aksıoneri — qytaılyq Snow Valley tobynyń óndiristik bólimshesi Xuechuan Liupanshan Food (Ningxia) Co., Ltd. ekenin naqtylady.
Osy qurylym sáýir aıynda Pavlodar oblysynyń ákimdigimen jylyna 100-200 myń tonna qýattylyqtaǵy kartopty tereń óńdeıtin keshen salý týraly kelisimge kelgen. Kásiporyn, sonyń ishinde frı kartop shyǵarýǵa baǵyttalady, al quny $100-200 mln dep baǵalanady.
Snow Valley Agricultural Group Co. Ltd — 2007 jyly Chjanszákoý qalasynda (Qytaı Halyq Respýblıkasy) qurylǵan holdıń. Onyń quramyna óńdeý parkteri, vırýssyz tuqymdyq kartop bazalary jáne damyǵan logıstıkalyq jeli kiredi. Kompanıa 800 myń tonnaǵa deıin shıkizatty óńdeıdi.