Madrıdtik «Real» fýtbolshysy Raýl Asensıo mas kúıinde kólik júrgizgeni úshin jazaǵa tartyldy: oǵan iri kólemde aıyppul salynyp, júrgizýshi kýáliginen ýaqytsha aıyryldy, dep habarlaıdy infohub.kz saıty.
RIA Novostı Sporttyń ıspandyq Canarias7 gazetine silteme jasap habarlaýynsha, oqıǵa 16 tamyzda Gran-Kanarıa aralynyń ońtústiginde bolǵan. 23 jastaǵy sportshy Porsche kóligin basqaryp kele jatyp, polısıa toqtatqan. Tekserý kezinde onyń deminen 0,90 mg/l аlkogól anyqtalǵan, bul ruqsat etilgen 0,25 mg/l normadan aıtarlyqtaı joǵary.
Mas kúıinde kólik júrgizgeni úshin sot Asensıony 14,4 myń eýro (7 mıllıon teńgeden astam) aıyppul tóleýge jáne 8 aıǵa júrgizýshi kýáliginen aıyrýǵa úkim shyǵardy.
Sonymen qatar, aldaǵy kúnderi fýtbolshy 2023 jylǵy oqıǵaǵa baılanysty taǵy bir is boıynsha sot aldyna barady. Tergeý nusqasy boıynsha, «Realdyń» úsh tárbıelenýshisi Kanar araldaryndaǵy qonaqúıde eki qyzben bolǵan jaqyn kezdesýdi beınejazbaǵa túsirip, keıin bul materıaldardy qatysýshylardyń kelisiminsiz taratqan. Túsirilim kezinde qyzdardyń biri 16 jasta bolǵan.
İs materıaldary boıynsha, Asensıo kezdesýge qatyspaǵan, alaıda basqa qatysýshylardan beınejazbany surap alyp, ony úshinshi tulǵalarǵa kórsetken, sodan keıin faıldy joıǵan. Ispanıa prokýratýrasy buǵan deıin sotqa aıyptaý qorytyndysyn joldap, Asensıony jeke ómirge qolsuǵylmaýshylyqty buzdy dep 2,5 jylǵa bas bostandyǵynan aıyrýdy suraǵan. Qalǵan úsh aıyptalýshyǵa kámeletke tolmaǵannyń qatysýymen pornografıalyq materıaldar taratqany úshin 4 jyl 7 aıǵa deıin bas bostandyǵynan aıyrý jazasy qaýip tónip tur.
Raýl Asensıo — «Real» akademıasynyń túlegi, negizgi quramda 2024 jyly debút jasaǵan.