Qazaqstandyq ánshi Rınat Shamshyraq jańa týǵan ulymen vıdeo jarıalap, úsh bap boıynsha jaýapkershilikke tartyldy, dep habarlaıdy infohub.kz.
Birneshe apta buryn áke atanǵan ánshi Instagram-daǵy vıdeoda balasyn arnaıy qurylǵysyz aldyńǵy oryndyqqa jatqyzyp qoıǵan, al jubaıy artqy oryndyqta otyrǵan. Oqyrmandar bala tasymaldaý erejesin buzǵany úshin ánshini synǵa aldy.
Pro.pravo.kz akkaýnty Threads jelisinde buzýshyny jazalaýdy surap, Almaty qalalyq polısıa departamentin belgilep: «Jol júrisi erejesin buzǵany úshin shara qoldanyp, bala múddesindegi aqparatty qamqorshylyq organdarǵa berińizder... Qamtý sanyn qýý úshin qorǵansyz balalar zardap shekpeýi kerek!» degen.
Almaty polısıa departamenti júrgizýshi men jolaýshyǵa balany arnaıy ustaǵysh qurylǵysyz tasymaldaǵany, kólik júrgizý kezinde uıaly telefondy paıdalanǵany jáne qaýipsizdik beldigin taqpaǵany úshin ákimshilik jaýapkershilik júktelgenin habarlady. Júrgizýshimen profılaktıkalyq áńgime júrgizilgen.