Qazaqstandyq veloshabandoz Rınata Sultanova jekeleı ýaqytqa júgirý jarysynda jeńiske jetip, Qazaqstan quramasyna 2026 jylǵy Azıa oıyndarynyń alǵashqy altyn medalin syılady, dep habarlaıdy infohub.kz saıty.
Sultanovanyń altyny Azıada-2026-nyń alǵashqy resmı kúninde qazaqstandyq komandanyń ekinshi tabysy boldy: buǵan deıin trıatlonshy Arlan Janabaı qola medal jeńip alǵan edi.
Azıada-2022-niń qola júldegeri Sultanova 36.23,72 ýaqytyn kórsetip, jekeleı ýaqytqa júgirý jarysynda birinshi oryndy ıelendi. Kúmis júldeger qytaılyq Hao Chjandy 4,68 sekýndqa basyp ozdy. Qolany Ońtústik Koreıadan kelgen Chjýn Shın jeńip aldy – 36.56,14.
AZIA OIYNDARY-2026
20 qyrkúıek. Velosport. Jekeleı ýaqytqa júgirý jarysy. Áıelder
🥇 1. Rınata SULTANOVA (Qazaqstan) – 36.23,72
🥈 2. HAO CHJAN (Qytaı) – 36.28,40
🥉 3. CHJÝN SHIN (Ońtústik Koreıa) – 36.56,14
Bul – qazaqstandyq veloshabandozdardyń Azıa oıyndarynda jeńip alǵan 14-shi altyny.
Osy sátte Qazaqstan Azıada-2026-nyń medal esebinde ekinshi orynda tur.
Japonıadaǵy HH Jazǵy Azıa oıyndary keshe, 19 qyrkúıekte resmı túrde ashyldy. 45 eldiń sportshylary qatysatyn keshendi jarystarda 460 medal jıyntyǵy sarapqa salynady. Onyń 217-si – erler arasynda, 204-i – áıelder arasynda jáne 39-y – aralas razrádtarda. Týrnırler 41 sport túriniń 68 dısıplınasynda ótedi.
Azıada-2026-da Qazaqstan quramasynyń quramynda 559 sportshy óner kórsetedi.