Saýd Arabıasy chempıonatynyń ekinshi týryndaǵy astanalyq derbıde «Ál-Nasr» «Ál-Rıadty» 4:0 esebimen iri jeńiske jetti, dep habarlaıdy infohub.kz.
Kezdesý Er-Rıadtaǵy Prıns Feısal bın Fadha stadıonynda ótti. Qonaqtardyń quramynda goldardy qorǵaýshy Ábdilálá Ál-Ámrı (18-mınýt), brazılıalyq shabýylshy Gabrıel Anjelo (45+1), sondaı-aq portýgalıalyq shabýylshylar Joaý Felıks (58) jáne Krıshtıaný Ronaldý (84) soqty.
«Ál-Nasr» kapıtany bıylǵy maýsymda alǵash ret oıynǵa ótinimge endi. Ronaldý oıyndy qosalqy quramda bastap, 62-mınýtta alańǵa shyqty. 41 jastaǵy fýtbolshy kásibı mansabyndaǵy 977-shi golyn soqty.
Buǵan deıin «Ál-Nasr» Ronaldýsyz eki mach ótkizgen — bireýi chempıonatta, bireýi Saýd Arabıasy Kýbogynda. Ekeýi de iri jeńispen aıaqtalǵan.
Qazirgi chempıondar alty upaımen týrnır kestesin bastap tur. «Ál-Rıad» eki jeńilisten keıin sońǵy, 18-orynda tur.