InfoHub Logo

Qazaqstandyq ánshi Qaırat Nurtastyń ákesi, prodúser Nurtas Aıdarbekov ortanshy kelini Juldyz Ábdikárimovaǵa sálem salmaýǵa nege ruqsat bergenin túsindirdi. Bul týraly ol áleýmettik jelidegi tanymal trendti qaıtalaǵan kelini Aıgerim Sarkenovamen birge bergen suhbatynda aıtty.

Nurtas pen Gúlzıra Aıdarbekovterdiń ortanshy ulynyń jary Aıgerim Sarkenova qaıynatasynan kontent túsirýge kómektesýin surap, «norm nemese strem» dep atalatyn trendti qaıtalaǵan. Trend sharty boıynsha kelin qoıǵan suraqtarǵa Nurtas Aıdarbekov neniń durys, neniń durys emes ekenin aıtýy kerek boldy.

Ol áıeline úı sharýasyna kómektesýdi, sondaı-aq kelini úlgermeı jatsa járdem berýdi qalypty jaǵdaı dep sanaıdy. Al kelin múlde tamaq jasamaı, túske deıin uıyqtap jatsa, muny quptamaıtynyn jetkizdi. Kelin ata-enemen birge turǵysy kelmese, onyń óz erkinde ekenin, biraq jastardyń ata-anamen birge turýynyń esh jamandyǵy joq ekenin aıtty.

Aıdarbekov kelinniń úıde oramal taǵyp júrgenin durys dep esepteıdi, alaıda dalada taǵý mindetti emes ekenin atap ótti.

Sálem salý dástúrine qatysty pikir

Nurtas Aıdarbekov Juldyz Ábdikárimova shańyraqqa kelin bolyp túskende, ózi oǵan sálem salmaýǵa ruqsat bergenin aıtty. Sebebi, onyń aıtýynsha, Juldyz kelin bolyp túskende onyń qyzy bolmaǵan, tek uldary bolǵan. Sol sebepti ol Juldyzdy óziniń qyzyndaı kórgen.

«Negizi kelin sálem salýdan eshteńe joǵaltpaıdy, kerisinshe bata alady. Sondyqtan sálem sal da, batasyn al. Úlkender oǵan uzaq ǵumyr men baqyt tileıdi. Bul – óte qundy sózder», – dedi Nurtas Aıdarbekov.

Bul týraly Infohub.kz aqparat agenttigi habarlaıdy.