Áıelder arasyndaǵy jeke synda álemniń birinshi raketkasy Elena Rybakına Bıllı Djın Kıng kýbogynyń fınaldyq kezeńi aldynda Qazaqstan quramasyna joldaý jasady, dep habarlaıdy infohub.kz saıty.
Buǵan deıin Qazaqstan tenıs federasıasy sportshynyń komandalyq týrnırde ulttyq qurama sapynda oınamaıtynyn málimdegen. Sebebi — Rybakına AQSh ashyq chempıonatyna (US Open) deıin alǵan ahıll sińiri jaraqatynan keıin medısınalyq tekserýden ótip, emdelýi qajet.
Tenısshi Instagram paraqshasynda týrnırdiń fınaldyq kezeńi týraly málimdeme jasady.
«Barshańyzǵa sálem. Bıyl Bıllı Djın Kıng kýbogyna qatysa almaıtynymdy habarlaýǵa týra kelip otyr. Shenchjenge bara almaıtynyma qatty qýanyshsyzbyn. Bul — kórermeni tamasha óte jaıly qala. Sońǵy bir aı deneme aýyr boldy. Qaıta jarystarǵa qatysý úshin saýyǵyp, joǵary deńgeıde bolýym kerek. Qyzdarǵa sáttilik tileımin. Alǵa», — dep jazdy Rybakına Instagram-stories-te, sońyna Qazaqstan týyn qosyp.
Bıllı Djın Kıng kýbogynyń sheshýshi kezeńi 22–27 qyrkúıekte Qytaıdyń Shenchjen qalasynda ótedi. Qazaqstan quramasy shırek fınalda Ispanıamen kezdesedi. Ulttyq komanda quramynda Iýlıa Pýtınseva, Anna Danılına, Jibek Qulambaeva jáne Soná Jıenbaeva qaldy.