Álemniń birinshi raketkasy, qazaqstandyq tenısshi Elena Rybakına aǵymdaǵy maýsymda qarsylastarynan da kóp júlde aqysyn tapty, dep habarlaıdy infohub.kz saıty.
Sarapshylar 2026 jylǵy maýsymnyń eń kóp tabys tapqan tenısshileriniń reıtıńin jasady. Rybakına jalpy esepte úzdik úshtikke enip, 10,8 mln dollar tapty. Qazaqstandyq tenısshiden joǵary tek Germanıa ókili Aleksandr Zverev (14,7 mln) men ıtalándyq Iannık Sınner (11,5 mln) tur.
Áıelder arasynda Elena kósh bastap tur. Aıta keteıik, somanyń basym bóligi tórt Úlken dýlyǵa týrnıriniń ishindegi eń iri júlde qoryn usynatyn AQSh ashyq chempıonatyndaǵy jeńisinen kelgen.
Jalpy bıyl 50 tenısshi — 23 áıel jáne 27 er adam — kortta keminde 2 mln dollar tapty. Oıynshylardyń iri júlde alýyna kelesi múmkindik qarashada ATP qorytyndy týrnıri men WTA qorytyndy týrnırinde týady.
Buǵan deıin álemniń birinshi raketkasy Elena Rybakınanyń 2026 jylǵy AQSh ashyq chempıonatynda qansha tapqany belgili bolǵanyn habarlaǵanbyz. Sondaı-aq qazaqstandyq US Open-daǵy tarıhı jeńisinen keıin salyqtarǵa baılanysty mıllıondarynan aıyrylýy múmkin ekenin jazǵanbyz.