Qazaqstannyń birinshi raketkasy Elena Rybakına mansabynda alǵash ret tenısten AQSh ashyq chempıonatynyń fınalyna shyqty. Onda ol Arına Sobolenkomen taqty sarapqa salady, dep habarlaıdy infohub.kz saıty.
US Open 2026 jartylaı fınalynda ekinshi serıalyq nómir ıesi álemniń tórtinshi raketkasy ári 2023 jylǵy AQSh ashyq chempıonatynyń jeńimpazy amerıkandyq Koko Gaýffpen kezdesti. Báseke óte tartysty ótip, úsh setke sozyldy da, qazaqstandyq tenısshiniń 3:6, 6:4, 6:4 esebimen erik-jigerli jeńisimen aıaqtaldy.
Sportshylar kortta 2 saǵat 9 mınýt ótkizdi. Osy ýaqyt ishinde Rybakına bes eıs jasap, eki qosarlanǵan qate jiberdi jáne alty breık-poınttyń tórteýin paıdalandy.
Taq úshin sheshýshi machta qazaqstandyq Arına Sobolenkomen oınaıdy. Belarýs tenısshisi — amerıkandyq hard meıdjorynyń aldyńǵy eki rozygryshynyń chempıony. Óz jartylaı fınalynda ol AQSh ókili Djessıka Pegýladan 7:5, 6:2 esebimen basym tústi.
Maýsymdaǵy sońǵy Úlken dýlyǵa týrnıriniń qorytyndysy boıynsha Rybakına álemniń birinshi raketkasy atanady. Ol Áıelder tenıs qaýymdastyǵy (WTA) reıtıńiniń tóbesinen dál Sobolenkony yǵystyrady.
US Open fınaly 12-den 13 qyrkúıekke qaraǵan túni ótedi, bastalýy — qazaqstandyq ýaqytpen 01:00. Buǵan deıin Rybakına eki Úlken dýlyǵa týrnırin — Ýımbldon-2022 men Australian Open — 2026 jeńip alǵan.