AQSh ashyq chempıonatynda altyn júlde jeńip alǵan qazaqstandyq tenısshi Elena Rybakına jaqyn aradaǵy josparlary men jeńisin otandastarymen bólisý úshin elge kelý nıeti týraly aıtty, dep habarlaıdy infohub.kz saıty.
TheTennisLetter basylymy áleýmettik jelidegi X paraqshasynda Elena Rybakınanyń AQSh ashyq chempıonatyndaǵy jeńisinen keıingi baspasóz máslıhatynyń úzindisin jarıalady. Sportshy ketpek bolǵan, alaıda odan Qazaqstandyq jýrnalısiń suraǵyna jaýap berýin surady. Rybakına qaıta oralyp, suraqty tyńdady.
Jýrnalıs tenısshige machty tamashalap, oǵan jankúıer bolǵan qazaqstandyqtarǵa ne aıtqysy keletinin surady.
«Qoldaý men maǵan degen senimderińiz úshin úlken rahmet aıtqym keledi. Men ázirge úıde joqpyn, biraq kelýdi josparlap otyrmyn. Meni qoldaǵan jáne machty tamashalaǵan barlyq qazaqstandyqtarmen osy sátti bóliskim keledi. Ásirese balalarmen. Men árdaıym aıtamyn: qazir tenıs ortalyqtaryna sonsha bala keledi... olardyń barlyǵy tenıs oınaǵysy keledi, bul tamasha. Búkil el úshin mańyzdy osy jetistikti birge toılaıyq», — dedi Elena Rybakına.
Eske salaıyq, Qazaqstan ókili fınalda belarýstik Arına Sobolenkomen oınap, jeńiske jetip, alǵash ret US Open chempıony atandy. Buǵan deıin amerıkalyq Úlken dýlyǵa týrnırinde Rybakına tórtinshi aınalymnan ári ótpegen bolatyn.
Rybakınanyń kýbogyn Marıa Sharapova — álemniń burynǵy birinshi raketkasy, barlyq Úlken dýlyǵa týrnırleriniń chempıony, Tenıs dańqynyń halyqaralyq zalynyń múshesi tabys etti.
Chempıon óz komandasyna, otbasy men dostaryna qoldaýlary úshin alǵys aıtty. Sondaı-aq ol qasynda turǵan jáne sóz sóılegende kóz jasyn tyıa almaǵan Sobolenkoǵa da júgindi.
Qazaqstan Prezıdenti Qasym-Jomart Toqaev Elena Rybakınany quttyqtap, onyń jetistikterimen búkil Qazaqstan maqtanatynyn málimdedi.