Álemdik reıtıńte ekinshi orynda turǵan qazaqstandyq tenısshi Elena Rybakına mansabynda alǵash ret WTA reıtıńin bastap turý múmkindigine pikir bildirdi. US Open-2026 shırek fınalyna shyqqannan keıin oǵan Arına Sobolenkony birinshi orynnan yǵystyrý úshin bir ǵana jeńis qajet, dep habarlaıdy infohub.kz saıty.
1/8 fınalda Rybakına 66 mınýt ishinde «Úlken dýlyǵa» týrnırleriniń tórt dúrkin jeńimpazy Naomı Osakany (13) – 6:1, 6:4 esebimen utty. Endi qazaqstandyq tenısshi 2024 jylǵy Olımpıada chempıony qytaılyq Chjen Sınvenmen (121) kezdesedi. Jeńis jaǵdaıynda Rybakına jartylaı fınalǵa shyǵyp, Sobolenkonyń týrnırdegi keıingi nátıjesine qaramastan álemniń birinshi raketkasy atanady.
Osakamen machtan keıin Rybakınadan reıtıńte kóterilý múmkindigi týraly oılaıtynyn surady.
«Árıne, men muny qalaımyn. Muny qalamaıtyn eshkimdi bilmeımin. Bul meniń maqsattarymnyń biri. Biraq men birtindep alǵa jyljýǵa jáne qolymnan kelgenniń bárin jasaýǵa tyrysamyn, ár kelesi machta sońyna deıin kúresemin. Ne bolatynyn kóremiz. Eger men búgingideı jaqsy podacha jasasam, meniń barlyq múmkindigim bar dep oılaımyn. Men bar kúshimdi salamyn. Bári meniń paıdama bolýyna úmittenemin», – dep Rybakınanyń sózin US Open baspasóz qyzmeti keltiredi.
Sonymen qatar bizdiń tenısshi qosymsha qysymǵa baılanysty kelesi machqa degen kózqarasyn ózgertpeıtinin atap ótti. Onyń aıtýynsha, eń bastysy – óz oıynyna nazar aýdaryp, sońyna deıin kúresý.
Taǵy birneshe apta buryn Rybakınanyń US Open-2026-ǵa qatysýy kúmán týdyrǵan edi. Sınsınnatıdegi týrnırde jilinshik jaraqatynan keıin ol tolyqqandy jattyǵa almady, al komanda tenısshiniń Nú-Iorkte kortqa shyǵa alatynyna sońǵy sátke deıin senimdi bolmady. Degenmen Rybakına birde-bir set utylmaı, shırek fınalǵa jetti.
Elenanyń kelesi qarsylasy Chjen Sınven bolady, ol 1/8 fınalda birinshi sette 0:5 esebinen qaıtyp kelip, Iga Sventekty (8) – 7:5, 6:3 esebimen utty. Ózara kezdesýlerde Rybakına qytaılyq tenısshiden 4:1 esebimen alda.
Sobolenko da US Open-da kúresin jalǵastyrýda. Shırek fınalda álemniń birinshi raketkasy Lında Noskovamen (6) oınaıdy. Alaıda, eger Rybakına Chjendy jeńip, jartylaı fınalǵa shyqsa, onyń óz nátıjesi kóshbasshylyqty saqtap qalýǵa múmkindik bermeıdi. Buǵan deıin belarýs tenısshisi reıtıńtik kórsetkishterge qaramaýǵa tyrysatynyn jáne óz machtaryna nazar aýdaratynyn aıtqan bolatyn.