Qazaqstannyń birinshi raketkasy Elena Rybakına 2026 jylǵy AQSh ashyq chempıonatynda jeńiske jetip, rekordtyq júlde — 5,5 mln dollar aldy. Bul qazirgi baǵam boıynsha shamamen 2,48 mlrd teńgege teń, dep habarlaıdy infohub.kz saıty.
US Open uıymdastyrýshylary bıylǵy maýsymda tenıs tarıhyndaǵy eń úlken júlde qoryn — 108 mln dollardy qalyptastyrdy. Rybakına jekeleı synda chempıon atanyp, osy somadan óz úlesin aldy.
Osylaısha, qazaqstandyq tenısshi áıelder tenısinde bir týrnır úshin alynǵan júlde mólsheri boıynsha óziniń álemdik rekordyn jańartady. Buǵan deıin bul jetistik te ózine tıesili edi: ótken maýsymda Áıelder tenıs qaýymdastyǵynyń (WTA) qorytyndy týrnırindegi jeńisi oǵan 5,235 mln dollar ákelgen bolatyn.
US Open fınalynda Rybakınaǵa jol bergen belarýstik Arına Sobolenko meıdjor qorytyndysy boıynsha 2,8 mln dollar tapty.
Qazaqstannyń jekeleı syndaǵy ekinshi raketkasy Iýlıa Pýtınseva ekinshi aınalymda utylyp qaldy. Bul nátıje oǵan 190 myń dollar ákeldi.
Eldiń juptyq syndaǵy eń myqty tenısshisi Anna Danılına da ekinshi aınalym satysynda toqtady. Serbıalyq Aleksandra Krýnıchpen birge ol 50 myń dollar tapty.