Qazaqstandyq tenısshi Elena Rybakına Sınsınnatıdegi týrnırde alǵan jaraqatynan keıin qalpyna kelýi týraly egjeı-tegjeıli aıtyp berdi. Sportshy áli kortqa shyqpaǵanyn, biraq AQSh ashyq chempıonatynyń bastalýyna daıyn bolatynyna úmittenetinin moıyndady, dep habarlaıdy infohub.kz saıty.
Ótken aptada álemniń ekinshi raketkasy Sınsınnatıdegi WTA 1000 týrnıriniń shırek fınalynda jaraqatyna baılanysty oıyndy aıaqtaı almaı, jartylaı fınalǵa Iga Shventek shyqqan edi. Keıin Rybakına tipti "júrý de aýyr" bolǵanyn moıyndady. Degenmen, ol US Open-ge kelip, jýrnalıserge qalpyna kelý barysy týraly aıtyp berdi.
"Ótken týrnırde jaraqat aldym. Qalpyna kelý úshin qolymnan kelgenniń bárin jasap jatyrmyn. Ázirge bári jaqsy. Ókinishke qaraı, áli kortqa shyqqan joqpyn. Aldaǵy birneshe kúnde muny isteýge tyrysamyz. Bári qalypty sıaqty. Alǵashqy machymda ózimdi jaqsy sezinetin bolamyn dep úmittenemin. Jalpy, on kúnim boldy. Daıyndalýǵa taǵy birneshe kún bar. Bári machymnyń qashan bolatynyna baılanysty. Asyqqymyz kelmeıdi. 100% daıyn ekenime kóz jetkizgim keledi", - dedi Rybakına.