Qazaqstan tenıs federasıasynyń prezıdenti Bolat Ótemuratov Elena Rybakınanyń US Open jarysynda alǵash ret jartylaı fınalǵa shyǵýyn tarıhı jetistik dep baǵalady, dep habarlaıdy infohub.kz.
Osy nátıjeniń arqasynda qazaqstandyq sportshy áıelder tenıs qaýymdastyǵynyń álemdik reıtıńinde tuńǵysh ret kósh basyna shyǵyp, Úlken dýlyǵa týrnıri aıaqtalǵan soń álemniń birinshi raketkasy atanady.
«Bul tabystyń artynda Elena men onyń búkil komandasynyń zor eńbegi, talanty, minezdiń beriktigi men jyldar boıǵy maqsatkerligi tur. Bul — mıllıondaǵan qazaqstandyqty biriktirip, shabyttandyratyn jeńis. Búgingi jetistik árbir jankúıerimiz úshin erekshe sát bolatynyna jáne sportqa endi ǵana qadam basyp jatqan myńdaǵan balaǵa úlgi bolatynyna senimdimin. Elena Qazaqstan ókiliniń álemdegi úzdik bola alatynyn dáleldedi. Bul — elimizdiń halyqaralyq sport arenasyndaǵy bedelin nyǵaıtatyn zor maqtanysh. Qazaqstan tenıs federasıasy atynan barlyq qazaqstandyqtardy osy aıtýly tarıhı jetistikpen quttyqtaımyn!» — dedi Ótemuratov.
Buǵan deıin Rybakınanyń ózi nátıjesine alǵash ret pikir bildirip, US Open kelesi machyna kóńil bólýge tyrysatynyn aıtqan edi. Jartylaı fınalda qazaqstandyq tenısshi amerıkalyq Koko Gaýff nemese reseılik Mırra Andreevamen kezdesedi.