Dúnıejúzilik tamaqtaný rasıonyn túbegeıli ózgertý mal sharýashylyǵy kólemin aıtarlyqtaı azaıtyp, jerdi bosatyp, jer paıdalanýǵa baılanysty CO₂ shyǵaryndylaryn 2050 jylǵa qaraı 85%-ǵa tómendetýi múmkin, dep habarlaıdy infohub.kz saıty.
London gıgıena jáne tropıkalyq medısına mektebiniń ǵalymdary Kornell ýnıversıtetimen birlesip, Nature jýrnalynda álemdik azyq-túlik júıesin modeldeý nátıjelerin jarıalady. Zertteý EAT-Lancet 2025 jylǵy komısıasynyń usynymdaryna súıenedi.
Esepteýlerge sáıkes, jer shary halqynyń salaýatty tamaqtaný rasıonyna kóshýi 2050 jylǵa qaraı aýyl sharýashylyǵy jerlerin paıdalanýdy 6%-ǵa azaıtady. Sonymen qatar mal sharýashylyǵy ónimderiniń quny 42%-ǵa (630 mlrd dollar) tómendeıdi. Kúıis qaıyratyn maldardyń (iri qara, qoı, eshki) sany 400 mln basqa azaıýy múmkin.
Sonymen birge kókónis, jemis, jańǵaq jáne burshaq daqyldarynyń óndiris kólemi 57%-ǵa (890 mlrd dollar) artady. Zertteýdiń jetekshi avtory Mett Gıbson mundaı ózgerister úkimetterden batyl qadamdar men agrarlyq sektordy qaıta qurýǵa daıyn bolýdy talap etetinin atap ótti.
Óńirlik taldaý reformanyń ártúrli áserin kórsetti: AQSH-ta aýyl sharýashylyǵy óndirisiniń quny 21%-ǵa, Eýropada 35%-ǵa tómendeıdi, al Úndistanda bul kórsetkish ósimdik sharýashylyǵynyń damýy esebinen 46%-ǵa ósedi.