InfoHub Logo

Sátemir jeti jasar kúninde atasynan jetim qalypty. Kúnderde bir kún Sátemir dalada oınap júrip, bir eski tamnyń túbinde sharshaǵan soń súıenip, jan-jaǵyna qarap jatsa, bir aıaǵy aqsaq qumyrsqa tamnyń tóbesine qaraı órmelep barady da, orta shenine barǵanda qulap túsedi.Tura salyp taǵy da órmeleıdi, manaǵydan góri joǵaryraq barǵanda taǵy qulap túsedi. Úshinshi ret qumyrsqa jáne tyrmysady. Aqyr bar kúshin salyp, qısaıa-mısaıa baryp, tamnyń tóbesine shyǵyp ketedi. Muny kórip Sátemir oıǵa qaldy: Qudaı-Taǵalanyń jaratqan jan-janýarynyń eń kishkentaıy osy qumyrsqa - ekesh qumyrsqa da tynbaı jumys istep júr. Ózi aqsaq, bir tyrmysyp, eki tyrmysyp, jyǵylyp, sonda da qoımaı, aqyrynda muratyna jetti. Tamnyń basyna shyqty. Muny kórip otyryp meniń de talap izdemeı, jumyssyz oınap júrgenim aqylsyzdyq eken, dep oıynyn tastap, qalaǵa bardy.

Qalada bir zor bilimdi, oqymysty molda bar eken, soǵan úı sypyrýǵa jaldanyp, aqysyna oqý oqypty-mys.

Aqyrynda sol Sátemir asqan danyshpan, aıdaı álemge patsha bolǵan.

---