InfoHub Logo

Saıasattanýshy Dosym Sátpaev Almaty qalasy ákimdiginiń qazirgi basqarý júıesin synǵa alyp, jergilikti basshylyqtyń halyq emes, ortalyq bılikke ǵana adal ekenin aıtty. Onyń pikirinshe, bul — kásibılikten buryn, saıası baǵynyshtylyqty basty orynǵa qoıǵan "teris irikteý júıesiniń" saldary.

– Qalanyń qazirgi basshylyǵy halyqtyń emes, joǵary jaqtyń múddesin kózdeıdi. Burynǵy ákimder de taǵaıyndalǵanda qalany barynsha tútinge tunshyqtyryp, seısmıkalyq qaýipke qaramastan tyǵyz qurylys júrgizýge tapsyrma alǵandaı áser qaldyratyn, – deıdi Sátpaev.

Saıasattanýshy Almatydaǵy shekten tys ýrbanızasıa men ekologıalyq, seısmıkalyq qaýipterdiń eskerilmeýin ákimderdiń kásibı emes, saıası taǵaıyndaý arqyly kelýinen kóredi. Onyń aıtýynsha, halyq saılamaıtyn ákimder qala múddesinen buryn ortalyqtyń tapsyrmasyn oryndaıdy.