Semeıde turaq orny úshin bolǵan daý jergilikti turǵynǵa úlken aıyppul ákeldi: asfáltqa boıaýmen jazǵany úshin ol aıyppul tóleıtin boldy, dep habarlaıdy infohub.kz saıty.
NUR.KZ agenttiginiń Abaı oblysy polısıa departamentine silteme jasap habarlaýynsha, oqıǵa Qaraǵaıly shaǵyn aýdanynda bolǵan. Kópqabatty úılerdiń biriniń janynda belgisiz bireý boıaýmen «Turaq ornyn almańyz» dep jazǵan. Boıaý janynda turǵan kólikke de tıgen, onyń ıesi polısıaǵa shaǵymdanǵan.
Beınebaqylaý kameralarynyń jazbalary boıynsha polıseıler jazý 25 qyrkúıekte shamamen 02:26-da jazylǵanyn anyqtady. Muny 40 jastaǵy Semeı turǵyny jasaǵany belgili boldy.
Áıel qoǵamdyq oryndardy lastaǵany úshin ákimshilik jaýapkershilikke tartylyp, 50 AEK mólsherinde, ıaǵnı 216 250 teńge aıyppul salyndy. Qala turǵyny áreketiniń saldaryn óz betinshe joıǵan.
Abaı oblysy polısıa departamentinde turaq oryndaryna qatysty kelispeýshilikterdi zańdy jolmen sheshý qajet ekenin eske saldy. Onda mundaı áreketter qoǵamdyq tártipti buzýdy jáne bótenniń múlkin zaqymdaýdy aqtamaıtynyn atap ótti.