Semeı prokýratýrasy 31 bilim berý uıymynda derbes derekter týraly zańnamanyń buzylǵanyn anyqtady. Mektepterdiń resmı saıttarynda qyzmetkerler men oqýshylardyń jeke málimetteri bar qujattar ashyq qoljetimdilikte ornalastyrylǵan, dep habarlaıdy infohub.kz saıty.
Qadaǵalaý organynyń málimetinshe, atap aıtqanda, 3 752 qyzmetkerdiń tegi, aty-jóni, jeke sáıkestendirý nómirleri, týǵan kúnderi, turǵylyqty mekenjaılary men baılanys telefon nómirleri, sondaı-aq 344 kámeletke tolmaǵan balanyń málimetteri jarıalanǵan.
«Mundaı málimetterdi ornalastyrý jeke ómirge qol suǵylmaýshylyqtyń buzylýyna jáne olardy zańsyz paıdalanýǵa qaýip tóndirdi», — delingen prokýratýra habarlamasynda.
Qadaǵalaý aktisi boıynsha zańsyz ornalastyrylǵan málimetter ashyq qoljetimdilikten alynyp tastaldy, al kináli tulǵalar zańda belgilengen jaýapkershilikke tartyldy.
«Prokýratýra derbes derekter týraly zańnamanyń talaptaryn, ásirese ınternet jelisinde aqparat ornalastyrý kezinde qatań saqtaý qajettigin eske salady», — dep atap ótti qadaǵalaý organynda.
Buǵan deıin Shyǵys Qazaqstan oblysynda prokýrorlar 600-den astam pedagogtiń derbes derekteriniń taralýyn toqtatqany habarlanǵan bolatyn.