Semeıde qarapaıym stýdenttiń shotyna ınternet-alaıaqtyqtan zardap shekken 25 adamnan túsken 16 mıllıon teńgeden astam qarajat túsken. Qarjylyq monıtorıń agenttiginiń málimetinshe, aqsha aýdarý jáne qolma-qol aqshaǵa aınaldyrý úshin jergilikti ýnıversıtettiń alty stýdentiniń bank kartalary paıdalanylǵan — olardyń barlyǵy jaýap alýǵa shaqyryldy, dep habarlaıdy infohub.kz saıty.
Tergeý boljamynsha, bul sqemanyń artynda dropperlerdi izdeıtin top turǵan. Dropperler — aldaýǵa ushyraǵan qazaqstandyqtardyń aqshasy aýdarylyp, sheshiletin shottardyń ıeleri. Toptyń áreketin Abaı oblysy boıynsha Qarjylyq monıtorıń agenttiginiń departamenti toqtatty.
Qarajat stýdentterdiń kartalaryna túsip, sodan keıin shaǵyn somalarmen basqa shottarǵa aýdarylyp, odan soń qolma-qol aqshaǵa aınaldyrylǵan. Agenttiktiń túsindirýinshe, bul «olardyń shyǵý tegin jasyrýǵa, qarjy aǵyndaryn baqylaýdy qıyndatýǵa» múmkindik bergen.
Tergeýshiler aqshany Qazaqstannyń túrli óńirlerindegi ınternet-alaıaqtyq isteri boıynsha zardap shekkender jibergenin anyqtady.
«Olardyń geografıasy eldiń 11 óńirin qamtıdy: Abaı, Qaraǵandy, Aqtóbe, Túrkistan, Atyraý, Batys Qazaqstan, Pavlodar, Aqmola, Jambyl jáne Almaty oblystary, sondaı-aq Almaty jáne Shymkent qalalary», — dep habarlady Qarjylyq monıtorıń agenttiginde.
Vedomstvo sonymen qatar tergeý jalǵasyp jatqanyn, istiń mán-jaıy jarıa etilmeıtinin naqtylady.
Buǵan deıin «Kýrsıv» Qazaqstanda Muǵalimder kúnine oraı alaıaqtardyń jasandy ıntellektpen jańa afera bastaǵanyn jazǵan bolatyn.