Qazaqstan semserlesý federasıasy Japonıada ótetin jazǵy Azıa oıyndaryna qatysatyn ulttyq quramanyń quramyn jarıalady, dep habarlaıdy infohub.kz.
Qazaqstandyq sportshylar úsh baǵytta da óner kórsetedi: qylysh, rapıra jáne shpaga. Ár qarý túrinen jeke synda ekiden semserlesýshi, al komandalyq jarysta úsh negizgi sportshy jáne bir qosalqy oıynshy qatysady.
Quramaǵa eldiń kóshbasshylary, sonyń ishinde jaqynda ótken shpagadan álem chempıonatynyń jeńimpazdary endi. Erler shpagasynda Rýslan Kýrbanov, Kırıll Prohodov, sondaı-aq Erlik Sertaı men Vadım Sharlaımov (komandalyq synda) óner kórsetedi. Áıelder shpagasyn Irına Bakaldına, Vladıslava Andreeva, Sofıa Nıkolaıchýk jáne Dará Samodelkına (komandalyq) tanystyrady.
Erler qylyshynda el namysyn Artem Sarkısán, Nurmuhammed Jaılybaı, Nazarbaı Sattarhan jáne Qýanysh Erǵashbaı (komandalyq) qorǵaıdy. Áıelder qylyshynda Anastasıa Gýlık, Aıgerim Sarybaı, Karına Dospaı jáne Kaısha Jánibek (komandalyq) synǵa túsedi.
Rapırada erlerden Galım Nurymov, Tımofeı Semenov jáne Tamırlan Kalıev (komandalyq), áıelderden Sofıa Aktaeva, Alena Gnoeva jáne Alına Iskanderova (komandalyq) óner kórsetedi.
Azıa oıyndary-2026 aıasyndaǵy semserlesý jarystary 22-27 qyrkúıek aralyǵynda Japonıanyń Aıchı prefektýrasy men Nagoıa qalasynda ótedi.