Qazaqstan birinshi lıgasynyń 23-týrynda kósh bastap turǵan qaraǵandylyq «Shahter» «Taraz» qaqpasyn asha almady — mach 0:0 esebimen teń aıaqtaldy, al Almatyda «Qaırat-Jastar» «Han-Táńirin» 2:0 esebimen jeńdi, dep habarlaıdy infohub.kz saıty.

Qazaqstan premer-lıgasyna joldamany merziminen buryn jeńip alǵan qaraǵandylyqtar óz alańynda óte tartysty oıynda «Tarazben» teń tústi. Týrnır bastalar aldynda joǵary dıvızıonǵa shyǵýdy maqsat etken qonaqtar maýsym barysynda ambısıalarynan aıyryldy, alaıda fýtbol oınaýdy umytqan joq. Kezdesý barysynda eki komanda da esep asha alatyn edi, biraq ony isteı almady — 0:0.

«Qaırat-Jastar» «Han-Táńirimen» machtyń birinshi taımyn dál osyndaı eseppen aıaqtap, ekinshi taımda Dáýlet Orynbasar men Evgenı Petrıktiń kúshimen jeńiske jetti. Bul komanda úshin birinshiliktegi 17-shi jeńis boldy.

«Turan» óz alańynda «Elimaı-M» komandasyn 4:1 esebimen jeńip, kelesi maýsymda «Túrkistan Arenada» elıtalyq qarsylastardyń eshqaısysyna ońaı bolmaıtynyn taǵy da dáleldedi.

Astanalyq jastar «Batyrdyń» qorǵanys shebin tas-talqan etti — 7:1. Segiz gol soǵylǵan machta Rahımjan Amangeldınov dúbl jasady.

Týrdyń qorytyndy senbilik machynda aýtsaıder «Tobyl-M» Sultan Baqytqırıev, Emın Mýsaev jáne Nurmubarak Jaqsylyqtyń goldarynyń arqasynda «Kaspı» qurdastaryn iri eseppen jeńdi — 3:0.

23-týrdyń qalǵan machtarynyń nátıjeleri:

19 qyrkúıek. «Tobyl-M» (Qostanaı) — «Kaspı-M» (Aqtaý) 3:0 (1:0). Goldar: Baqytqırıev 43 (1:0), Mýsaev 79 (2:0), Jaqsylyq 90+1 (3:0).

18 qyrkúıek. «Han-Táńiri» (Almaty) — «Qaırat-Jastar» (Almaty) 0:2 (0:0). Goldar: Orynbasar 64 (0:1), Petrık 74 (0:2).

«Astana-M» — «Batyr» (Ekibastuz) 7:1 (5:0). Goldar: Ahmetov 14 (1:0), Anýarov 19 (2:0), Qaltanov 21 (3:0), Abraev 22 (4:0), Amangeldınov 34 (5:0), Qalymbetov 56 (5:1), Ýálıhan 60 (6:1), Amangeldınov 90+2 penaltı (7:1).

«Turan» (Túrkistan) — «Elimaı-M» (Semeı) 4:1 (2:0). Goldar: Kenesov 35 (1:0), Turlybek 45 (2:0), Dúısenbekuly 50 (3:0), Nuradılov 52 (3:1), Jalmuqan 83 (4:1).

17 qyrkúıek. «Arys» — «Aqtóbe-M» 4:1 (2:0). Goldar: Vaganov 1 (1:0), Mansýrov 39 (2:0), Begımov 74 penaltı (2:1), Zulypbek 80 (3:1), Moldaqaraev 74 (4:1).

«Akademıa Ońtústik» (Shymkent) — «Jaıyq» (Oral) 0:0. Alqaıdarov (A, 88) qyzyl qaǵazben alańnan qýyldy.

«Shahter» (Qaraǵandy) — «Taraz» 0:0.

Birinshi lıganyń 24-týry 8 jáne 9 qazanda ótedi.