Qaraǵandylyq «Shahter» Birinshi lıgada qatarynan 12-shi jeńiske jetip, Qazaqstan premer-lıgasyna joldama alý jolynda senimdi qadamyn jalǵastyrýda, dep habarlaıdy infohub.kz.
19-týrdyń machynda Andreı Fınonchenko shákirtteri astanalyq jastar komandasyna esh múmkindik qaldyrmady. Dıas Qalybaevtyń dýbli, Birinshi lıganyń úzdik mergeni Artem Lıtoshtyń 18-shi goly jáne Andreı Ýlshınniń penaltıden dál soqqysy taý-kenshilerge 4:0 esebimen iri jeńis ákeldi.
Týrnırlik motıvasıasy joq «Qaırat-Jastar» qonaqta «Turandy» dál osyndaı eseppen tize búktirdi. Birinshi taımda Mansur Birqurmanov pen Abylaı Tóleýhan erekshelendi. Ekinshi taımda keshe Eýropa lıgasynyń irikteýinde «Anderlehtke» qarsy oıynda qosalqy quramda qalǵan Birqurmanov dúbl jasady. Al mach nátıjesine qosymsha ýaqytta Dáýlet Orynbasar núkte qoıdy.
Týrdyń basqa machtarynda «Jaıyq» pen «Kaspı-M» 0:0 esebimen teń oınady, bul oıynda qaqpashy penaltıdi qaıtardy, al qonaqtardyń oıynshysy alańnan qýyldy. «Tobol-M» úıdegi machta 0:3 esebinen qutqarýǵa jaqyndady, biraq «Han-Táńirinen» 3:4 esebimen utyldy. «Elimaı-M» 2:0 esebimen alǵa shyqqanymen, «Aqtóbe-M»-den 2:5 esebimen jeńilip qaldy. «Arys» pen «Taraz» 1:1 esebimen teń tústi, al «Ońtústik Akademıasy» «Batyrdan» 3:2 esebimen basym tústi.
Birinshi lıganyń 20-týry 27 jáne 28 tamyzda ótedi.