InfoHub Logo

Sabaqtyń taqyryby: Shańyraǵym - shattyǵym
Sabaqtyń maqsaty:
1) Oqýshylardyń óz otbasyna degen súıispenshiligin arttyrý. Ata - analaryn qadirlep, syılaı bilýge tárbıeleý.
2) Oqýshylardyń óz ortasyna, otbasyna degen meıirimdilik sezimin oıatý. Olardyń oı - órisin
damytý.
3) Ata - ana men bala arasyndaǵy yntymaqtyqty nyǵaıtý, tatýlyqqa, birlikke shaqyrý.
Sabaqtyń kórnekiligi: slaıdtar, ınteraktıvti taqta, maqal - mátelder, naqyl sózder t. b.
Sabaqtyń barysy: 1 Uıymdastyrý.

Muǵalimniń túsindirmesi
- Balalar men senderge bir jumbaq jasyraıyn.
Onda ákem - anam turady
Ata - áje baýyrym
Bári birge qosylyp
Bir uǵymdy qurady
(Otbasy)
- Durys balalar jumbaqtyń sheshýi (Otbasy)
- Endeshe búgingi tárbıe saǵatymyz otbasy jaıly bolmaq.
Anań - kúniń júregiń
Ákeń - ómir tiregiń
Ájeń - asyl ardaǵyń
Atań - dana qorǵanyń
Aǵań - qamqor asqaryń
İniń - móldir aspanyń - demekshi
- Qurmetti ata - analar, ustazdar, oqýshylar 4 á synybynda ótkeli otyrǵan «Shańyraǵym - shattyǵym» atty ashyq tárbıe saǵatymyzǵa qosh - keldińizder!

1 - júrgizýshi
Maral: Jyljı bershi kezim emes jasqanar
Bógeı almas bilim atty tas qamal
Otannyń aıaýlysy bolarsyń
Otan degen otbasynan bastalar.

2 - júrgizýshi
Qydyr: Ata - ana asqar taý aldymdaǵy
Árqashan asqaqtaısyń aldymda áli
Óziń bergen ónege tárbıeńmen
Baqyttymyz januıa baýyryndaǵy.

1 - júrgizýshi:
Meıirimdilik pen adaldyq, adamgershilik pen sabyrlylyq sıaqty asyl qasıetterdi boıyna jınaǵan ardaqty ákeler men aıaýly analar ómirdegi jaqsylyq ataýy sizderdiń esimderińizben baılanysty. Sizder ár shańyraqtyń shattyǵy men shýaǵysyzdar.

2 - júrgizýshi:
Sizderdiń shydamdylyqtaryńyzben, qamqorlyqtaryńyzǵa biz barynsha tántimiz. Óıtkeni bizdiń ómirdegi tazalyq, izgilik pen senimdiliktiń bári de ózderińizge baılanysty.

Serjan - Áke, sheshe, ul, qyz – bári qosylyp otbasyn quraıdy.
Bekzat:
Januıa, otbasy - memlekettiń irgetasy, qoǵamdaǵy ár otbasynyń bosaǵasy berik, mereıi ústem bolmaı memlekettiń myqty bolýy múmkin emes. Prezıdentimiz N. Nazarbaevtyń 2030 baǵdarlamasyndaǵy negizgi baǵyttarynyń biri - otbasy bolyp sanalady. Otbasy – adam balasynyń ósip - óner, qaz turar, qanat jaıar altyn besigi. Sondyqtan, qurmetti balalar óz januıalaryńdy qurmetteýge, syılaýǵa, maqtan tutýǵa shaqyramyn.
Aldymen súı ardaqty ata - anańdy
Úlgili urpaq atadan bata alady
Ber jaqsylyq balaǵa bul ǵalamda
Ata - anańnyń meıiriminen taraıdy

Erlan:
Ózińdi ómirge keltirgen, tirshiligińe nár bergen ata - anańnyń aldynda adamnyń paryz - mindeti ólsheýsiz. Qazaq ǵurpynda ata - ananyń alǵan erekshe bıik orny, qadir qasıeti she! Ananyń aq sútin, ákeńniń adal kúshin aqtaý - óz bolashaǵyńda saqtaý. Ata - anaǵa ne isteseń, aldyńa sol qaıtady. Dúnıe kezek. Sen ómir boıy jas bolyp turmaısyń, sen ata - anańdy syılaısyń, seniń balalaryńda qartaıǵanda ózińdi aıalap kútip, baǵyp qaǵatyn bolady. Ata - ana otbasynda jaqsylyqtardy aıtyp, jaqsy qasıetterdi úırenip jaman minez, jat ádetterden aýlaq bolýǵa tárbıeleýi kerek.
Ata - ananyń tilegi adam bolyp óskeniń
Adamdyqtyń tiregi adal bolyp óskeniń

Mıras:
Ata - ana otbasynyń negizgi dińgegi, bastapqy dánekeri. Dástúrli qazaq otbasynda ata - ananyń qadiri erekshe áspettegen. Ásirese tirshiliktiń qaınar kózi, mahabbattyń shýaq kúni, meıirim káýsar bulaǵy - Ana esimine anany ardaqtamaıtyn halyqta joq. Ana balany toǵyz aı kóterip, tolǵatyp, dúnıege keltirip qana qoımaıdy.
Bala, bala, bala dep
Túnde shoshyp oıanǵan
Tún uıqysyn tórt bólip
Túnde besik taıanǵan da ana, kóziniń qarashyǵyndaı qorǵap, aıalap ósirip, aıaǵynan tik turǵyzatyn da ana.

Jandos: Áke asqar taýym!
Áke asqar taý, ana qaınar bulaq, bala jaǵasyndaǵy quraq degendeı «Áke» degen sóz qandaı jaqyn, qandaı ystyq deseńshi. Ómirde ákesin jek kóretin bala joq shyǵar, óıtkeni bala úshin ákeniń orny bólek qoı. Meniń ómirdegi eń qymbat adamym siz, meniń súıikti ákeshim.
Sizsiz áke - eń aqyldy, eń syrshyl
Sizsiz áke - eń jaqynym, eń shynshyl
Shýaq shashqan qashanda asyl júregiń
Janymdasyń qamqorymsyń bilemin
Qabyl alǵyn bala júrek tilegin
Án: Áke týraly án
Maral:
Bala úshin ákeniń orny bólek. Áke degen sózdi aıtqanda ózińe pana bolar, qıyndyqqa qaldyrmas, armanyńa qol sozsań aq batasyn berip aq jol tileıtin adamyń ekenin bala júregi sezerdeı. Tamaǵymnyń toqtyǵy, kıimimniń bútindigi, oqýymnyń sapasy, uıqymyzdyń tynyshtyǵy – osynyń bári de asqar taýdaı aıbatty ákelerdiń arqasy. Áke - árkimniń súıener tireýi. Áke árkimge qymbat. Ákeni ardaqtaý kerek, óıtkeni ol otbasynyń eń basty múshesi, ıaǵnı otaǵasy. Ol óziniń bolashaǵyna alańdap oılanyp tolǵanady. Qarap otyrsaq ákeniń de túr - túri bolady. Biri – aqyldy, biri – bilimdi, biri jigerli, qaıratty, batyl, endi biri batyr da batyl, qaısar bolyp keledi.
Ósirgen baptap balasyn
Ákeler árkez «Jaraısyń»
Bar ónerin úıretken
Ozdyrǵan da júırikten
Áke – degen ardaqty at.

Serjan:
Ár adam kózin ashyp dúnıege kelgende meıirimdi, júregi jyly jandy kóredi. Ol - Ana. Qanattyǵa qaqtyrmaı, tumsyqtyǵa shoqtyrmaı baýyryna basyp, biz úshin janushyra shyryldaıtyn da – Ana. Ana – bul jel jaǵymyzǵa pana, birimiz úshin dara, dana tulǵa. Ana degende sózge kelmeıtin til, lúpil qaqpaıtyn júrek, móltildemeıtin janar joq. Balaǵa anadan artyq, anadan qymbat jan joq. Árbir ana otynyń óshpeýin, baqytynyń kóshpeýin, shańyraǵynyń qulamaýyn, sábıiniń jylamaýyn, sum soǵystyń bolmaýyn, qyzyl gúldiń solmaýyn tileıdi.
Kámshat - Sen baqytty ulansyń
Jasulan:
Dúnıedegi eń sulý qazaq áıeli. Qazaq áıeli – bar muratyn otbasynyń ıgiligine baılaǵan ádemi izgi adam. Qazaq áıeli – bar tilegin perzentiniń jolyna arnaǵan álemdegi eń meıirimdi ana, ulttyń uıytqysy, urpaqtyń anasy. Bizge qajymas qaırat beretin áıel anaǵa myń alǵys. Arıstotel, Fırdoýsı, Jánibek pen Abylaı, Abaı, Shoqan, Mahambet pen Isataı, Maǵjan, Muqaǵalı sol áıelderdiń urpaǵy, bári ananyń aq sútinen jaralǵan. Epostaǵy Gúlbarshyn men Qurtqa, Aqjúnis pen Nazym, tarıhtaǵy Domalaq ana, Aısha bıbi, Abaıdy týǵan Uljan ana, el bılegen Aıǵanym, qol bastaǵan Bopaı, el qorǵaǵan Gaýhar ana – bári bir ǵana atqa ıe, ol «Ana». Endeshe sol analardy, madaqtap júreıik.

1 - júrgizýshi:
Kim senderdi balalar súıetuǵyn?
Qýanyshyńa qýanyp qaıǵyńa kúıetuǵyn?
Tún uıqysyn tórt bólip, kirpik qaqpaı
Shesheń baıǵus damylsyz júretuǵyn – deı kele kezekti analarymyzdyń qurmetine arnap «Anama» ánin oryndaýǵa ruqsat etińizder.

Nazerke:
Qazaqstan respýblıkasynyń qoǵamy, onyń belgili bir alyp jatqan aımaǵy bar. Basqarýshy jáne halqy bar. Qoǵamnyń damyp órkendeýine áser etetin túrli óndirister jumys isteıdi. Al otbasyny nege qoǵam deımiz? Otbasynyń da basshysy bar. Otbasynda áke ne sheshe basshy, olardyń biri bolmas, balanyń úlkeni aǵa ne ápke basshy. Basshy otbasynyń búkil sharýasyn uıymdastyrady. Basqa múshelerine qamqorlyq kórsetip, bastaryn biriktiredi. Otbasynyń belgili turatyn mekenjaıy jáne óziniń tabysyna laıyqty sharýasy bolady. Otbasy músheleriniń bári de óz múmkindigine qaraı is atqarady, oqıdy, jumys isteıdi, úı sharýasymen aınalysady. Barlyǵynyń ortaq isi - otbasyn durys ustap, ár músheniń damýyna jaǵdaı týǵyzý.

Qydyrkeldi:
Otbasynyń aýqatty bolýy qoǵamǵa da paıdaly. Halyq turmysynyń jaqsarýy qoǵamnyń órkendeýine jaǵdaı jasaıdy. Otbasy týys - týǵandar men de qarym - qatynasta bolady. Ata - ananyń aqylymen qarym - qatynas túrleri rettelip otyrady. Adamnyń óz basynyń jumysynnan basqa da osyndaı qatynastarǵa úles qosýy - adamgershilik paryzy. Mundaı qatynastar arqyly aǵaıyn, týys - týǵandar arasynda adamnyń óz basynyń atalatyn orny aıqyndalady. Meırimdi bolsań, sennen únemi kómek suraıdy. Kerek kezinde saǵanda kómekke keledi. Sóıtip otbasy shaǵyn qoǵamnyń jumysyn atqarady.

Maral:
Otbasy - shaǵyn qoǵam degenge tolyqtaı kelisemin. Bala - ata - ananyń urpaǵy, ómirdiń jalǵasy, qýanyshy, úlken úmiti. Barlyq bala ata - anasynan tek jaqsylyq jasaýdy úırene otyryp. otbasynyń dińgeginiń myqty bolýyna úles qosady, óz bolashaǵyn saqtap qalady.
Kórinis - Baılyq pen aqyl
Jeńis:
Adamzat eń aldymen ata - ana aldynda paryzdar, ata - ana paryzy altynǵa bóleýdi, aq orda salýdy qalamaıdy. Ata - ana balasynyń er jetip, adam bolýyn qalaıdy. Ata - anaǵa osydan artyq tartý - taralǵynyń keregi joq. Ata - anany jyrlaımyn dep aqyn tebirenedi, beınesin músindeımin dep sýretshi oılanady. Ata - ana adamzat meken etken jer sharynyń ár túkpirinde, ár úıde meıirim men meıirdiń, dostyq pen týysqandyqtyń týyn tikken adamdar.

Orazbek:
Úıdegi altyn qazyq kim? - depti qart.
- Ata, úıdegi altyn qazyq bala, - depti jigit.
- Joq balam úıdegi altyn qazyq – ana. Ana aqyldy bolsa, bala dana bolady. Ana tárbıesi qyzǵa – úlgi, áke tárbıesi ulǵa – úlgi. Ana – aqylshyń, áke – qamqorshyń, aǵań – qorǵaýshyń, iniń – súıenishiń, qaryndasyń – qanatyń ekenin umytpa. Anany syılamaǵannyń aqyly kem, ákeni syılamaǵannyń jaqyny kem. Ananyń meıirimi kózinde, yqylasy – kóńilinde, aqyly sózinde, - depti qart.

Nesibeli:
Otbasyndaǵy qyz balanyń mindetteri:
- Anańa kómektes.
- Bajyldap, aıǵaılap sóıleme.
- Beıýaqytta uıyqtama.
- Qonaq kútýdi úıren.
- Úıdiń tazalyǵyna kóńil ból.
- Úıdi taza usta.
- Tamaq jasap úıren.
- Qolónerdi úıren.
- Taza sóıleı bil.
- Tósekten turǵan soń, tósekti jına.
- Tamaq ishken soń, ydysty erteńge qaldyrmaı jý.
- Eshnárseni aıtqyzbaı, óziń bilip iste.
- Barynsha sypaıy, ınabatty bol
- Aıtylǵan tapsyrmany ýaqytynda orynda.
- Anańmen, jeńgeńmen syrlas.
- Bóten adamǵa syr aıtpa.

Ádil:
Adam balasynyń ajary da, baqyty da otbasynan bastalady. Al otbasy baqyty degen ne? Ol adam boıyna syrttan kelip sińetin nemese aspannan quıylyp denesine enetin nárse emes, onyń da kóptep shyǵatyn turaǵy bar. Adam balasynyń baqyty onyń úzilissiz tálimi men tárbıesinen qalyptasatyn jarqyn da adal minezderine baılanysty. Iaǵnı, otbasynyń baqyty, dińgeginiń myqty bolýy ata – analardyń, sol otbasy músheleriniń óz qolynda deýimizge bolady.

Qydyr:
Otan – otbasynan bastalady degendeı biz Otanymyzdy, elimizdi janymyzdaı súıýge Táýelsiz Qazaqstanymyzdyń tuǵyry berik, bolashaǵy baıandy bolýyna jan - jaqty atsalysýymyz qajet. Otanymyzdy súıýge tárbıeleıtin birden - bir orta ol – otbasy. Otbasy shaǵyn memleket.

Nursultan:
Úlkendi syılaý qazaq halqynyń ata - salty. Úlkendi syılaý, eń aldymen - áke men shesheni syılaýdan bastalady. Óz otbasy, óz ata - anasyn syılamaıtyn ul men qyz basqa adamdardy syılaı almaıdy. Ata – ana balany dúnıege keltirip, ómir beredi. Ony baǵyp – qaǵyp tárbıelep ósiredi. Bilim beredi, «Bolashaǵym, ómirimniń jalǵasy» dep úmit kútedi, mápeleıdi. Adamzat bolyp, úı ishiniń qamqory bolady dep senim artady. Ata - anany syılaǵan jastardyń óz balalary da keıin sony qaıtalaıdy. «Ana sútin aqtamaǵandy, eshkim maqtamaıdy» dep aıtylmaǵan. «Ataǵa qarap ul óser, anaǵa qarap qyz óser» degen de osydan shyqqan. Ata - ananyń isinen kópti úırenip qoımaı, solardyń tárbıesinde boıǵa sińire bilý - ár balanyń paryzy.

Perızat:
Adamzatqa ómirde eń jaqyn, eń qymbat nárse – otbasy. Balanyń eń alǵashqy ustazy onyń ózara túsinistik, meıirimdilik, tatýlyq, syılastyq, senim, qamqorlyq baýyrmaldyq, keshirimdik, súıispenshilik bolǵanda ǵana birlik bolady. Osyndaı otbasynda tárbıelengen urpaq ózgelerge, Otanǵa shynaıy mahabbat syılaı alady. Otbasynda alǵan tálim tárbıe jas urpaqtyń rýhanı azyǵy, ómirlik ustany men jarqyn bolashaqqa jeteleıtin Temirqazyǵy, Otbasy – bala damýy men qalypty ómir súrýine tıimdi jalǵyz múmkin oryn. Bala úshin týǵan otbasy – altyn dińgek. Otbasyndaǵy jylylyq pen meıirimdi eshnársemen – basqa jerlerde júz ese artyq materıaldyq jaǵdaı jasalsa da almastyrý múmkin emes.

Erjan:
Jigitke:
– Joqty bar, ashty toq etetin kim? – depti qart.
– Ata, joqty bar, ashty toq etetin – meıirimdi áke, - depti jigit.
– Joq balam, áke qansha meıirimdi bolsa da, ananyń jóni bólek. Joqty bar, ashty toq etetin – sol ana. Anasyz bala uıyqtamaıdy, qatyqsyz aıran uıymaıdy. Ana – úıdegi – baq, áke otyrǵan – taq. Ana aqyldy bolsa, úıdiń qýanyshy, ákeniń jubanyshy, - depti qart.

1 júrgizýshi:
1)Tárbıe - balamen sóılesýmen, áńgimelesýmen, oǵan aqyl - keńes berýmen ǵana shektelmeıdi. Tárbıe - turmysty uıymdastyra bilýde, balaǵa árkimniń óz jeke basy arqyly ónege kórsetýinde. Otbasyndaǵy bala tárbıesi halyq ómirimen, qoǵamnyń maqsat - mindetterimen baılanysta bolýy kerek*

Bala tárbıesindegi qaǵıdalar
1) Balany jas kezinen bastap syılap, qadir - qasıetin, ar - namysyn baǵalap, durys sóılesip, durys qarym - qatynas jasaǵan abzal. Jandos
2) Ádepsiz sóz, dóreki aıqaı - tárbıedegi eń jaman ádis. Bala oǵan úırenip ketedi nemese oǵan qaraı jaýap beredi. Maral
3) Eger óziń balany syılamaı turyp ózińe iltıpat, qurmet kórsetýin talap etýdiń ózi uıat. Orazbek
4) Balanyń aıtaıyn degen ótinishi, aqyldasqysy kelgen máselen ata - anasy tyńdap, aqyl - keńes berýi kerek. Nursultan
5) Ata - ana otbasyndaǵy úlkenderdi syılap qurmettese kishilerge qamqor bolsa, bala da sondaı bolýǵa umtylady. Bekzat
1 júrgizýshi - Meıirimdilik – adamnyń bet álpetinen, is - áreketinen kórinip turatyn shynaıy qasıet. Sondyqtan kimde - kim basqa adamnyń aqyl - oıy, múdde tilegin durys sezinip, oǵan shamasy kelgenshe kómektesse, sol adamdy demep - jebese ol meıirimdilikke jatady.
2 júrgizýshi – Jaqsy otbasynda jazalaý degen atymen bolmaıdy jáne bul - otbasy tárbıesiniń eń durys joly dep uly pedagog A. S. Makarenko aıtqandaı balalarǵa túsinistikpen qarap, balalyqpen jasaǵan qylyqtaryn der kezinde eskertip, qorytyndy shyǵaryp otyrý kerek.
Serjan – Qanat týraly hıkaıa
7 - qatelik:
1 - qatelik: Balalardy orynsyz erkeletý. Serjan
2 - qatelik: Ne isteseń ony iste maǵan bári bir dep aıtý. Mıras
3 - qatelik: Asa qataldyq ıaǵnı Men ne aıtsam sony oryndaýyń kerek, óıtkeni men seniń ata – ana-anamyn dep aıtý. Perızat
4 - qatelik: Eger sen men qalaǵandaı bolmasań men seni jaqsy kórmeımin dep aıtý. Qydyr
5 - qatelik: Saǵan kóńil bólýge ýaqytym joq dep aıtý. Ádil
6 - qatelik: Balańyzdy barshylyqqa baýlymaý. Nesibeli
7 - qatelik: Balańyzdyń isine, kóńil – kúıińizge qarap baǵa berý, ıaǵnı kóńil – kúıińiz nashar bolsa onyń qýanyshyna ortaqtaspaý, áńgimesine qulaq aspaý t, s, s, Jasulan
Qydyr:
Ýa, adamdar
Jaqsylyqty jaqsylyq pen jalǵańdar
Igilikti, izgilikti tańdańdar
Ómir kilti qoldaryńda senderdiń
Abaılańdar
Tek túsirip almańdar – degendeı, otbasynyń birligi men bereketi urpaq tárbıesinde óte qajet. Bul - óte qymbat ulttyq qundylyq.

Nazerke:
Bala boıyndaǵy jat qylyqtardyń,, jaǵymsyz qasıetterdiń paıda bolýyn ata - ana kóbine mektep tárbıesine aýdarý salýy múmkin. Joq, onda ata - ana qatelesedi. Óıtkeni, birinshiden, bala tárbıesi ana qursaǵynan jatqanda bastalady. Ekinshiden jańa týǵannan mektep jasyna deıin balalardyń kóbisi úıde tárbıelenedi. Úshinshiden bala mektepten góri, úıde ýaqytty kóp ótkizedi. Sondyqtan, bala tárbıesine birden - bir jaýapty ata - ana. Bala tárbıeli, eńbekqor, ınabatty bolyp óssin degen ata - anaǵa mynandaı keńester usynylady:
1. Bala aldynda, otbasyndaǵy ózara qarym – qatynasta, mádenıetti, sypaılyq saqtaý kerek.
2, Ata – ana balanyń jora - joldastarynyń qandaı ekenin, olarmen qarym - qatynastaryn qadaǵalaýy kerek.

3. Balanyń oqý - tárbıesine únemi nazar aýdaryp, olarmen pikirlesip, áńgimelesip otyrý da erekshe tásilderdiń biri.
4. Balany eńbekqorlyqqa tárbıeleýde, úıdegi sharýalardyń da mańyzy zor. Endeshe balany úı sharýashylyǵyna aralastyra otyryp, eńbeksúıgishtikke tárbıeleńiz!
Toqsan aýyz sózdiń tobyqtaı túıini: balam jaqsy, tárbıeli bolyp óssin degen ata - ana otbasyndaǵy tárbıege qatty nazar aýdarýy tıis dep oılaımyn.

Maral:
Otbasy – adam balasynyń damýyna yqpaly zor.
Bizdiń baıtaq elimiz
Otbasynan quralǵan
Elin súıer senińiz
Óz januıasyn súıe alǵan

Kelesi kezekte otbasy týraly maqal - mátelder men qanatty sózderge beremiz.
1. Otan - otbasynan bastalady.
2. Ata - ana otbasynyń bastapqy dánekeri, eń bastapqy altyn dińgegi.
3. Alty aǵa birigip áke bolmas, jeti jeńge birigip jeńge bolmas.
4. Otbasy – altyn uıań.
5. Ata - anańa ne isteseń, aldyńa sol keler.
6. Ana úıdegi baq, áke otyrǵan taq.
7. Otbasy adamzatqa tálim - tárbıe, úlgi ónege beretin tárbıe oshaǵy.
8. Adam balasynyń ajary da, baqyty da – Otbasy
9. Ár otbasy memlekettiń irgetasy.
10. Otbasy tárbıe bastaýy.
11. Ata - ana – otbasynyń basty altyn dińgegi, bastapqy dánekeri.
12. Ata - ana tirshiliktiń qaınar, mahabbattyń shýaq kúni, meıirimniń káýsar bulaǵy.
13. Ár ata - ana óz balasynyń súıikti dosy, jaqyny, janashyry maqtanyshy.
1 - júrgizýshi – Qabýsnama - ertede jazylǵan úgit - nasıhatqa toly kitap. Ony jazǵan adamnyń esimi Qaıqaýs. Ol bul kitapty óziniń ulyna arnap jazǵan.
Erlan - Qaıqaýs
Qydyr:
Halqymyzdyń aıaýly uly B. Momyshuly kezinde bylaı muńaıǵan eken «Jaýdan da daýdan da qoryqpaǵan qazaq edim. Endi qorqynyshym kóbeıip júr. Balalaryn besikke bólemegen, besigi joq elden qorqam. Nemeresine ertegi aıtyp beretin ájeniń azaıýynan qorqam. Dámdi, dástúrdi bilmeıtin balalar ósip keledi. Onyń qolyna qylysh berse, kimdi de shaýyp tastaýǵa daıar. Qolyna kitap almaıdy. Úırenip jatqan bala joq, úıretip jatqan áke - sheshe joq»- degen eken. Ol kisi aramyzda joq. Al biraq batyr, jazýshy atamyz kótergen másele bárimizdi alańdatýy tıis.»Balam»deıtin jurt bolmasa,»jurtym» deıtin bala qaıdan bolsyn - demeı me, endeshe el bolyp halyq bolyp, ár otbasy bolyp urpaǵymyzdy tárbıeleıik.
Nazerke - Konvensıa
Mýnalbek - bap
Kúı: Keńes

Maral:
Bala tárbıesi, urpaǵymyzdyń bolashaǵy kim - kimdi de oılandyratyn másele. Qurmetti sabaǵymyzǵa qatysyp otyrǵan ustazdar men ata - analar endigi kezek sizderge myna aldaryńyzdaǵy uıashyqtar retimen tańdaı otyryp, otbasynda kezdesetin máseleler týraly óz oılaryńyzdy bildiresizder.

Qydyr:
Sizderge kóp - kóp rahmet. Aıtqan pikirlerińiz barlyǵy da oryndy.

Maral:
Ana - saıa bolar baǵyń bala
Áke - asqar taýyń, deıdi qazaqta
Bir kún bar jylytar kún, jubatar kún
Bir kún bar muńaıtar kún, qýantar kún
Meıli, ol shańyraq sátti bolsyn, sátsiz bolsyn
Áke - sheshe degen sezimdi umytar kim?
Maral – Oń qanatym - ákem
Sol qanatym - anashym
Qos qanatyń bolǵanda
Tabar ómir jarasym.
Qarap turyp shekeni
Shymshylady san kúdik.
Qanatymnyń ekeýi
Saý bolsa eken máńgilik
Qydyr:
Ana - jaryq syılaǵan jan ekensiń
Áke - shýaq shashatyn tań ekensiń
Ana - ómir, áke - baqyt, ana - júrek
Dep soqqan júregimniń áni ekensiń - deı kele Qurmetti ustazdar, ata - analar, oqýshylar búgingi shańyraǵym shattyǵym, otbasyndaǵy yntymaqtastyń, birlik pen berekeniń tyǵyz bolýy maqsatynda uıymdastyrylyp otyrǵan tárbıe saǵatymyz osymen aıaqtaldy.