2026 jyldyń 1 qyrkúıeginen bastap sheteldik júk kólikteri aqyly joldardaǵy tólenbegen aıyppuldary bolsa, Reseı aýmaǵyna kire nemese shyǵa almaıdy. Mundaı jańashyldyq Reseı Úkimetiniń qaýlysymen engizilip otyr, dep habarlaıdy infohub.kz saıty.
Jańa erejeler Reseı arqyly ótetin barlyq halyqaralyq avtomobıl tasymaldaryna, onyń ishinde tranzıttik aýyr júk kólikterine de qoldanylady. Bul shara sheteldik tasymaldaýshylardyń tólem tártibin arttyrýǵa baǵyttalǵan.
Keden organdarynyń qyzmetkerleri memlekettik jáne mýnısıpaldyq tólemder týraly memlekettik aqparattyq júıe arqyly qaryzdardyń bar-joǵyn tekseretin bolady. Qaryz anyqtalǵan jaǵdaıda, keden sheteldik fýranyń kirýine nemese shyǵýyna tyıym salý týraly sheshim shyǵarady, al júrgizýshige aqyly joldardaǵy júrý aqysyn tóleý qajettigi týraly talap beriledi.