Shyǵys Qazaqstan oblysy Ulan aýdany Qasym Qaısenov aýylynda polıseıshi káriz qudyǵynda esin joǵaltqan eki jumysshyny qutqaryp qaldy. Bul týraly oblystyq polısıa departamenti habarlady, dep habarlaıdy infohub.kz.
Oqıǵa 20 tamyzda saǵat 14:30 shamasynda №11 úıdiń mańynda bolǵan. «Molodejnyı» KMK-nyń 1985 jyly týǵan eki qyzmetkeri káriz qubyrlaryn tazalaýmen aınalysqan.
Jumys barysynda er adamdardyń biri qudyqqa túsip, esin joǵaltqan. Ekinshi jumysshy áriptesine kómektespek bolyp, ol da qudyqqa túskennen keıin esin joǵaltqan.
Bolǵan jaǵdaıdy Ulan aýdanynyń krımınalısi Áset Naǵashbaev baıqaǵan. Qudyq mańyndaǵy aıqaıdy estip, ol ýchaskelik ınspektorǵa habarlaǵan.
Oqıǵa ornyna Nurdáýlet Tótepov kelgen. Polıseıshi arqandy bekitip, qudyqqa túsip, aldymen bir jumysshyny, sodan keıin ekinshisin jer betine shyǵarýǵa kómektesken.
Ekeýi de kelgen jedel járdem brıgadasyna tapsyrylǵan. Olardyń jaǵdaıy týraly polısıa aqparat bermedi.
Buǵan deıin «Kýrsıv» Qazaqstanda jalpy somasy 800 mlrd teńgeden asatyn 45 káriz-tazartý qurylysy jobasyn júzege asyrý josparlanǵanyn jazǵan. Mundaı nysandardyń ortasha tozýy 65%-dan asady, al olardyń kópshiligi 50 jyldan astam ýaqyt buryn salynǵan. Jańǵyrtý aıasynda sýmen jabdyqtaý jáne sý burý jelileriniń shamamen 1,9 myń km rekonstrýksıalaý josparlanýda.