Shyǵys Qazaqstan oblysynyń polıseıleri áleýmettik jelilerde taraǵan qaýipti saparǵa qatysýshylardy anyqtap, jaýapkershilikke tartty, dep habarlaıdy infohub.kz saıty.
Jarıalanǵan kadrlarda jolaýshylardyń qozǵalystaǵy kólikterdiń terezelerinen shyǵyp turǵany kórinedi.
Polısıa qyzmetkerleri júrgizýshiler men jolaýshylardyń jeke basyn anyqtady.
«Júrgizýshiler adamdardy tasymaldaý erejelerin buzǵany, sonyń ishinde jolaýshylardy kólik salonynan tys tasymaldaǵany úshin ákimshilik jaýapkershilikke tartyldy. Jolaýshylar da jazasyz qalmady. Olar qozǵalystaǵy kólikten dene múshelerin shyǵarǵany úshin jaýapkershilikke tartyldy», — dedi polısıada.
İshki ister mınıstrliginde mundaı «trúkter» aýyr zardaptarǵa ákelip, barlyq qozǵalys qatysýshylary úshin qaýip tóndirýi múmkin ekenin eske saldy.
Buǵan deıin «Kýrsıv» Almatyda bir top jastyń Ál-Farabı dańǵylynda qaýipti júris uıymdastyrǵanyn jazǵan bolatyn: jigit pen qyzdar tolyq jyldamdyqpen kólikterdiń terezeleri men lúkterinen shyǵyp turǵan. Vıdeo Qaznetti toltyrdy.