Ertede bir músápir qart baıdyń úıine kelse, jurt jıylyp, toı bop jatyr eken. Menmensigen baı oǵan jasyń úlken edi, tórge shyq demepti.
Sonda qart turyp:
— Oıpyraı, baıeke, jańa aýyldan shyqqanymda, aldymnan bir shoshqa tura kep qashqany. Dereý qasymdaǵy tazymdy qostym da jiberdim. Tazym da júırik edi, degenmen shoshqa da jelaıaq eken, — degen kezde, baı eleń etip:
— Ia, tazyń qýyp jetti me? — dep suraıdy.
Sonda qart oǵan:
— Joq, baıeke, shoshqa dál ana sizdeı jerde, tazy dál myna mendeı jerde otyrdy, — degen eken.