Shymkent prokýratýrasy jeke sot oryndaýshylarynyń qyzmetine tólenetin aqyny óndirip alýǵa qatysty Konstıtýsıalyq sot sheshiminiń is júzinde oryndalýyn qamtamasyz etti, dep habarlaıdy infohub.kz saıty.
Qadaǵalaý organynyń resmı saıtynda málim bolǵandaı, Konstıtýsıalyq sottyń 2026 jylǵy 11 maýsymdaǵy №86-NP normatıvtik qaýlysynyń praktıkalyq turǵyda oryndalýy qamtamasyz etildi.
«Buǵan deıin balamen qarym-qatynas tártibin aıqyndaý týraly sot sheshimderin oryndaý kezinde jeke sot oryndaýshysynyń qyzmet aqysy eki taraptan da, onyń ishinde sot sheshimi óz paıdasyna shyǵarylǵan ata-anadan da óndirilip alynatyn. Konstıtýsıalyq sot mundaı tásilge jol berýge bolmaıtynyn kórsetti, óıtkeni sot sheshimin oryndaý sot arqyly qorǵalý quqyǵynyń bir bóligi bolyp tabylady jáne óndirip alýshyǵa qosymsha kedergi jasamaýǵa tıis», — dedi vedomstvoda.
Shymkent prokýratýrasy júrgizgen taldaý qaýly kúshine engennen keıin úsh jeke sot oryndaýshysynyń óndirip alýshylardan aqyny zańsyz óndirýdi jalǵastyrǵanyn anyqtady.
Prokýrorlyq qadaǵalaý aktileri boıynsha azamattardyń quqyqtary qalpyna keltirilip, zańsyz óndirilip alynǵan qarajat tolyǵymen qaıtaryldy.