Shymkentte 21 jastaǵy Nurahmet Berdibaı TikTok-te tikeleı efır júrgizip, onda kórermenniń qaraly kún týraly suraǵyna jaýap bergende, sot qoǵamǵa qurmetsizdik jáne qoǵamdyq tártipti buzý dep baǵalaǵan sózder aıtqany úshin 10 táýlikke qamaldy. Bul týraly infohub.kz saıty habarlaıdy.
Translásıany polısıa qyzmetkerleri áleýmettik jelilerdi monıtorıńileý barysynda anyqtaǵan. Tikeleı efırge Berdibaımen birge 22 jastaǵy Abzal Musyrmanqul men Baqdáýlet Mustafa qatysqan.
«Translásıa kezinde Shymkenttiń 21 jastaǵy turǵyny Nurahmet Berdibaı kórermenniń qaraly kúnge qatysty suraǵyna jaýap berip, qoǵamǵa aıqyn qurmetsizdik tanytyp, qoǵamdyq tártipti buzatyn sózder aıtty», — dep keltiredi polısıa.
Sot Berdibaıǵa 10 táýlik ákimshilik qamaý jazasyn taǵaıyndady. Sonymen qatar úsheýine de qoǵamǵa jat minez-qulyqqa jol berilmeıtini týraly resmı eskertý jasaldy. Olar ishki ister organdarynda bir aı merzimge profılaktıkalyq esepke de qoıyldy.
Eske salaıyq, 24 qyrkúıekte Áskerı-teńiz kúshteri Kaspıde oqý-jaýyngerlik tapsyrmalardy oryndap jatqanda, kenetten shyqqan daýyl men ekpindi jelden 17 áskerı qyzmetshi ashyq teńizge aǵyzylyp ketken. Oqıǵa saldarynan 14 adam qaza tapty. Sarbazdardyń qaza tabýyna baılanysty prezıdent Qasym-Jomart Toqaev 25 qyrkúıekti Qazaqstanda jalpyulttyq qaraly kún dep jarıalady.