Shymkentte áıelge dene jaraqatyn keltirdi degen kúdikpen Túrkistan oblysynyń 25 jastaǵy turǵyny ustaldy. Bul týraly infohub.kz saıty habarlaıdy.
Shymkent qalasy polısıa departamentiniń Instagram paraqshasynda málim bolǵandaı, kúdikti ýaqytsha oqshaýlaǵyshqa qamaldy. Oqıǵa 16 qyrkúıekke qaraǵan túni Shymkent aýmaǵynda bolǵany anyqtaldy. Jábirlenýshiniń aryzy boıynsha qylmystyq is qozǵaldy. Tergeýdi Shymkent qalasynyń polısıa basqarmasy júrgizip jatyr.
Buǵan deıin Egov.Press Telegram-arnasy uryp-soǵýdyń saldaryn kórsetetin qorqynyshty vıdeo jarıalaǵan. Vıdeoda beti qanǵa boıalǵan, jylap turǵan áıel beınelengen. «Shymkentte kúıeýi jas áıelin balalardyń kózinshe qatty urǵan. Onyń ústine onyń atyna eki mıllıon teńgege kredıt rásimdep, al áıeldiń ózine jazalaımyn dep qorqytqan. Bul týraly zardap shekken áıeldiń týysy habarlady», — delingen jarıalanymda.
Eske salaıyq, áıelin balalardyń kózinshe urǵan kúdiktiniń ustalǵany týraly qalalyq polısıa departamentiniń habarlamasynan belgili boldy. Qylmystyq is qozǵaldy.