Álemge áıgili Sıdneı marafonyna bir apta qalǵanda, uıymdastyrýshylar medal dızaınynda qate qalanyń stadıony beınelengenine qatysty suraqtarǵa tap boldy. Medalda Sıdneıdegi Allianz Stadium emes, Germanıanyń Múnhen qalasyndaǵy Allianz Arena stadıonynyń kelbeti kórsetilgen sıaqty. Marafon qashyqtyǵy (42,2 km) osy stadıonnyń janynan ótedi.
Bul oqıǵa týraly pikir alý úshin BBC Sıdneı marafonynyń uıymdastyrýshylaryna habarlasqan. Aldaǵy 30 tamyzda ótetin jarysqa 120 myńnan astam ótinim túsken, al 40 myńǵa jýyq júgirýshi qatysady dep kútilýde.
Medal dızaınyndaǵy yqtımal qatelik týraly boljam Sıdneı marafonynyń resmı áleýmettik jeli paraqshasynda 2026 jylǵy medaldiń dızaıny jarıalanǵannan keıin paıda boldy. Onda paıdalanýshylardy «medaldiń bólshekterinen marafon jolynyń tarıhyn kórýge» shaqyrǵan. Sonymen qatar, «Sıdneıdiń ádemi kórinisi joldy jandandyrady, onda júgirýshiler kezdesetin kórnekti oryndar beınelengen — Sıdneı kópirinen bastap, álemge áıgili Sıdneı opera teatryna deıin», — delingen jazbada.